柬埔寨农业部官员出席在法国巴黎举行的SIAL国际食品展，并为

ថ្នាក់ដឹកនាំក្រសួងកសិកម្ម​ អញ្ជេីញចូលរួមជាគណៈអធិបតីសម្ពោធស្តង់ពន្លាជាតិ​ និងស្តង់សហព័ន្ធស្រូវអង្ករកម្ពុជា​ ក្នុងពិព័រណ៍ម្ហូបអាហារអន្តរជាតិលំដាប់ពិភពលោក នៅទីក្រុងប៉ារីស ប្រទេសបារាំង ====================== នាថ្ងៃទី១៨ ខែតុលា ឆ្នាំ២០២៦ ឯកឧត្តម​ គី​ ច័ន្ទរំដួល​ អនុរដ្ឋលេខាធិការក្រសួងកសិកម្ម​ រុក្ខាប្រមាញ់​ និងនេសាទ​ អញ្ជេីញជាគណៈអធិបតីសម្ពោធស្តង់ពន្លាជាតិ​ និងស្តង់សហព័ន្ធស្រូវអង្ករកម្ពុជា ដែលសម្របសម្រួលរៀបចំដោយក្រសួងពាណិជ្ជកម្ម​ ក្នុងពិព័រណ៍ម្ហូបអាហារអន្តរជាតិលំដាប់ពិភពលោក Salon International de l'Alimentation (SIAL) Paris នៅទីក្រុងប៉ារីស ប្រទេសបារាំង​។ ការចូលរួមនេះ ឆ្លុះបញ្ចាំងពីការយកចិត្តទុកដាក់ និងការសហការគាំទ្រការនាំចេញកសិផលសក្កានុពលកម្ពុជាទៅកាន់ទីផ្សារអន្តរជាតិ​ ដែលសម្របសម្រួលដោយក្រសួងស្ថាប័ន​ពាក់ព័ន្ធ និងនាំចេញដោយវិស័យឯកជន​ ដេីម្បីផ្សព្វផ្សាយផលិតផលកម្ពុជា និងបង្កើតឱកាសសម្រាប់ក្រុមហ៊ុននាំចេញក្នុងការស្វែងរកដៃគូពាណិជ្ជកម្មថ្មីៗ ពង្រឹងទំនាក់ទំនងជាមួយអ្នកទិញអន្តរជាតិ និងស្វែងយល់ពីតម្រូវការទីផ្សារនៅតំបន់អឺរ៉ុប និងទីផ្សារផ្សេងៗទៀត ដែលមានភាពសម្បូរបែប និងបង្កើនការទទួលស្គាល់ម៉ាកយីហោកម្ពុជាលើឆាកអន្តរជាតិ សំដៅពង្រីកកិច្ចសហប្រតិបត្តិការកសិ-ពាណិជ្ជកម្មនាពេលបច្ចុប្បន្ន​ និងអនាគត៕ 👉តំណភ្ជាប់ទៅកាន់គេហទំព័រ និងបណ្តាញសង្គមរបស់ក្រសួងកសិកម្ម រុក្ខាប្រមាញ់ និងនេសាទ [Website](https://www.maff.gov.kh/) | [Facebook](https://web.facebook.com/maff.gov.kh/) | [Youtube](https://www.youtube.com/@-maff2) | [Telegram](https://t.me/maff_gov_kh)