全国就业展9月12日钻石岛开幕 劳工部参展提供咨询

🔔តើអ្នកដឹងទេ? នាថ្ងៃស្អែកនេះ ក្រសួងមុខងារសាធារណៈ នឹងចូលរួមដាក់តាំងបង្ហាញសមិទ្ធផលការងាររបស់ក្រសួង និងការងារកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ នៃរដ្ឋសភា ក្នុងកម្មវិធី «ពិព័រណ៍ជាតិការងារ និងផលិតភាពការងារ ឆ្នាំ២០២៦» រៀបចំដោយក្រសួងការងារ និងបណ្តុះបណ្តាលវិជ្ជាជីវៈ ដែលនឹងប្រព្រឹត្តទៅ៖ 📍នៅមជ្ឈមណ្ឌលសន្និបាត និងពិព័រណ៍កោះពេជ្រ 🗓️ មានរយៈពេល ២ថ្ងៃ ចាប់ពីថ្ងៃទី១២ ដល់ថ្ងៃទី១៣ ខែកញ្ញា ឆ្នាំ២០២៦។ 🔊ក្នុងពិព័រណ៍នេះ ក្រសួងមុខងារសាធារណៈ នឹងមានរៀបចំកម្មវិធីចែករំលែកព័ត៌មាន វេទិកាចែករំលែកចំណេះដឹង និងបទពិសោធលើប្រធានបទសំខាន់ៗដែលជាអត្ថប្រយោជន៍សម្រាប់សាធារណជនចូលរួមស្តាប់ ក៏ដូចជាសាកសួរនូវព័ត៌មាននានា។ បន្ថែមពីនេះ ស្តង់ពិព័រណ៍របស់ក្រសួងក៏មានរៀបចំកម្មវិធីកម្សាន្តសប្បាយៗ «សំណួរ-ចម្លើយបានរង្វាន់» ដោយគ្រាន់តែសាធារណជនចូលរួមឆ្លើយនូវសំណួរដែលពាក់ព័ន្ធទៅនឹងសកម្មភាពការងាររបស់ក្រសួងមុខងារសាធារណៈ នឹងទទួលបានរង្វាន់លើកទឹកចិត្ត និងវត្ថុអនុស្សាវរីយ៍ផងដែរ។ 🔊សាធារណជនទាំងអស់ដែលបានចូលរួមក្នុងកម្មវិធីពិព័រណ៍ជាតិការងារ សូមកុំភ្លេចអញ្ជើញមកស្តង់ពិព័រណ៍របស់ក្រសួងមុខងារសាធារណៈ ដើម្បីទទួលបានចំណេះ និងបទពិសោធល្អៗនៃវិស័យមុខងារសាធារណៈ និងបានចូលរួមលេងកម្មវិធីសប្បាយៗ បានទាំងចំណេះដឹង និងបានទាំងរង្វាន់លើកទឹកចិត្ត។