柬埔寨卫生部拟招1800名官员 10月中旬开放报名

ក្រសួងមុខងារសាធារណៈ ប្រកាសថា បើគ្មានការប្រែប្រួលទេ ការប្រឡងប្រជែងជ្រើសរើសមន្រ្តីសុខាភិបាលផ្អែកលើកិច្ចព្រមព្រៀងការងារ ប្រមាណជាង ១,៨០០កន្លែង ឱ្យចូលបម្រើការងារនៅតាមមន្ទីរពេទ្យបង្អែកកម្រិត១ កម្រិត២ និងមណ្ឌលសុខភាព នឹងចាប់ផ្តើមទទួលពាក្យក្នុងពាក់កណ្តាលខែតុលា។ នារសៀលថ្ងៃអង្គារ ទី២៩ ខែកញ្ញា ឆ្នាំ២០២៦ គណៈកម្មការរៀបចំការប្រឡងប្រជែង ដឹកនាំដោយ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡង បានពិភាក្សាលើការរៀបចំការប្រឡងប្រជែងជ្រើសរើសមន្រ្តីសុខាភិបាលផ្អែកលើកិច្ចព្រមព្រៀងការងារ ឱ្យចូលបម្រើការងារនៅតាមមន្ទីរពេទ្យបង្អែកកម្រិត១ កម្រិត២ និងមណ្ឌលសុខភាព។ គោលដៅនៃការជ្រើសរើសនេះ គឺដើម្បីបំពេញតម្រូវការនៃការផ្តល់សេវាសុខាភិបាល ជូនប្រជាពលរដ្ឋកាន់តែកៀក នៅទូទាំងប្រទេសផង និងក្នុងគោលដៅបំពេញមន្ត្រីសុខាភិបាលតាមមណ្ឌលសុខភាពយ៉ាងហោចណាស់ឱ្យមាន ៧នាក់ផង។ យោងតាមរបាយការណ៍របស់ក្រុមការងារបានឱ្យដឹងថា កាលពីឆ្នាំកន្លងទៅ គណៈកម្មការរៀបចំការប្រឡងប្រជែង បានជ្រើសរើស មន្រ្តីសុខាភិបាលផ្អែកលើកិច្ចព្រមព្រៀងការងារ ប្រមាណជាង៤០០ នាក់ ដើម្បីបម្រើការងារតាមមណ្ឌលសុខភាពទូទាំងប្រទេស។ ឆ្នាំនេះ នឹងមានការរៀបចំជ្រើសរើសមន្រ្តីសុខាភិបាលផ្អែកលើកិច្ចព្រមព្រៀងការងារប្រមាណជាង ១,៨០០កន្លែង ឱ្យចូលបម្រើការងារនៅតាមមន្ទីរពេទ្យបង្អែកកម្រិត១ កម្រិត២ និងមណ្ឌលសុខភាព នៅទូទាំងប្រទេស។ សូមសាធារណជន និងបេក្ខជនដែលមានចំណាប់អារម្មណ៍តាមដានការផ្សព្វផ្សាយជាបន្តបន្ទាប់តាមបណ្តាញផ្លូវការរបស់ក្រសួងមុខងារសាធារណៈដូចខាងក្រោម៖ 📱Telegram Channel ថ្មី «ប្រឡងមន្ត្រី» https://t.me/+erOtVg3U1dk4MGE1 📱បណ្តាញផ្សព្វផ្សាយឈ្មោះ «ក្រសួងមុខងារសាធារណៈ» ១.Telegram https://t.me/mcsgovkh ២.Facebook https://www.facebook.com/CivilServiceCambodia 📱បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ» ១.Telegram https://t.me/CivilServiceNews31 ២.Facebook https://www.facebook.com/Civil.Service.New  [JOIN CHANNEL](https://t.me/oa_channel) "🔔"