农业部

….. ទោះជាយ៉ាងណា ឯកឧត្តមបានពន្យល់បកស្រាយយ៉ាងច្បាស់ថា ពាក្យ «រងផលប៉ះពាល់» មិនមែនមានន័យថា «ខូចខាត» ទាំងស្រុងនោះទេ ព្រោះប្រសិនបើជំនន់ទឹកភ្លៀងលិចលង់ក្នុងរយៈពេលខ្លី ស្រូវនឹងមិនទាន់ខូចខាតឡើយ ហើយផ្អែកលើបទពិសោធន៍កន្លងមក ទំហំខូចខាតជាក់ស្តែងតែងតែមានកម្រិតតិចជាងផលប៉ះពាល់ច្រើន។ ឯកឧត្តមបានបន្ថែមថា ផ្ទៃដីរងផលប៉ះពាល់ ១៦ ម៉ឺនហិកតានេះ គឺស្មើនឹងប្រមាណតែ ៥% ប៉ុណ្ណោះ នៃផ្ទៃដីបង្កបង្កើនផលស្រូវវស្សាសរុបនៅទូទាំងប្រទេសដែលមានប្រមាណ ៣ លានហិកតា ហើយភាគរយនៃផ្ទៃដីដែលខូចខាតពិតប្រាកដគឺរឹតតែទាបជាងនេះ។ ហេតុនេះ ទោះបីជាគ្រោះធម្មជាតិនេះបានបង្កការលំបាកដល់ប្រជាកសិករមួយចំនួនក៏ដោយ ប៉ុន្តែមិនបានវាយប្រហារ ឬប៉ះពាល់ដល់សន្តិសុខស្បៀងរួមរបស់ប្រទេសជាតិ និងការនាំចេញស្រូវអង្កររបស់កម្ពុជានោះឡើយ។ ដើម្បីឆ្លើយតប និងជួយសម្រាលទុក្ខធុរៈរបស់ប្រជាកសិករ ក្រសួងកសិកម្មបានត្រៀមបម្រុងស្រូវពូជរួចជាស្រេច ដើម្បីបែងចែកជូនដល់កសិករដែលមានប្រភពទឹក និងមានលទ្ធភាពស្តារ ឬដាំដុះឡើងវិញភ្លាមៗបន្ទាប់ពីទឹកស្រក៕