暹粒国际机场查获一名外籍旅客试图携带22公斤大麻出境，目前嫌

សមត្ថកិច្ចកម្ពុជា ឃាត់ខ្លួនជនបរទេសម្នាក់ដែលបម្រុងនាំចេញកញ្ឆាក្រៀម២២គីឡូក្រាម អាជ្ញាធរ បានរកឃើញសារធាតុញៀនប្រភេទកញ្ឆាចំនួន៤៤កញ្ចប់ មានទម្ងន់សរុប ២២ គីឡូក្រាម ដែលលាក់បង្កប់ក្នុងវ៉ាលិសសម្លៀកបំពាក់ របស់ជនបរទេសម្នាក់ ដែលត្រៀមធ្វើដំណើរចាកចេញពីកម្ពុជា។ ករណីនេះ កើតឡើងកាលពីថ្ងៃទី១៧ ខែកញ្ញា នៅស្ថានីយអ្នកដំណើរចេញ នៃអាកាសយានដ្ឋានអន្តរជាតិសៀមរាបអង្គរ។ បើតាមការផ្សាយរបស់ អគ្គនាយកដ្ឋានគយនិងរដ្ឋាករកម្ពុជា បន្ទាប់ពីបានបំពេញ នីតិវិធីបឋម និងរៀបចំកំណត់ហេតុល្មើសច្បាប់គយរួច ក្រុមការងារបានប្រគល់ជនសង្ស័យ វត្ថុតាង និងសម្ភារៈពាក់ព័ន្ធ ឱ្យអង្គភាពនគរបាលប្រឆាំងគ្រឿងញៀន ដើម្បីគ្រប់គ្រង ថែរក្សា និងចាត់ការបន្តតាមនីតិវិធីច្បាប់ជាធរមាន។ រូបភាព៖ ហ្វេសប៊ុកអគ្គនាយកដ្ឋានគយនិងរដ្ឋាករកម្ពុជា