德崇国家体育场正式开放商业租赁 承接各类商务及娱乐活动

[来源: 柬埔寨国家电视台] [分类提示: NEWS] 标题: ពហុកីឡដ្ឋានជាតិមរតកតេជោ បានបើកឲ្យវិស័យឯកជន និងវិស័យសាធារណៈ ប្រើប្រាស់ទីតាំង ដើម្បីរៀបចំព្រឹត្តិការណ៍កីឡា កម្មវិធីកម្សាន្ត ព្រឹត្តិការណ៍ធុរកិច្ច និងកម្មវិធីសាជីវកម្មផ្សេងៗ ពហុកីឡដ្ឋានជាតិមរតកតេជោ ត្រូវបានចាត់ទុកជាសមិទ្ធផលដ៏ធំស្កឹមស្កៃ និងជាសំណង់ប្រវត្តិសាស្ត្ររបស់កម្ពុជាមួយ ក្នុងយុគសម័យទំនើប សម្រាប់ការទទួលធ្វើជាម្ចាស់ផ្ទះនៃព្រឹត្ដិការណ៍កីឡាអាស៊ីអាគ្នេយ៍លើកទី ៣២ (32nd SEA Games) និងអាស៊ានប៉ារ៉ាហ្គេមលើកទី ១២ កាលពីឆ្នាំ ២០២៣ ប៉ុណ្ណោះទេ ប៉ុន្តែទីនេះគឺជា មជ្ឈមណ្ឌល សេវាកម្មពហុបំណង (Multi-function Service Hub) ដែលមានលទ្ធភាពខ្ពស់ ក្នុងការទទួលរៀបចំ ព្រឹត្តិការណ៍ និងកម្មវិធី គ្រប់កម្រិត ដូចជា ព្រឹត្តិការណ៍កីឡា កម្មវិធីកម្សាន្ត ព្រឹត្តិការណ៍ធុរកិច្ច និងកម្មវិធីសាជីវកម្មផងដែរ។ នេះជាប្រសាសន៍ ឯកឧត្តម សេង តុលា នាយកប្រតិបត្តិ ពហុកីឡដ្ឋានជាតិ មរតកតេជោ ថ្លែងក្នុង សិក្ខាសាលា ផ្សព្វផ្សាយ ពីសក្ដានុពល នៃហេដ្ឋារចនាសម្ព័ន្ធ ពហុកីឡដ្ឋានជាតិ មរតកតេជោ នៅពីថ្ងៃទី ១២ ខែមិថុនា ឆ្នាំ២០២៦ ។ ឯកឧត្តម សេង តុលា នាយកប្រតិបត្តិ ពហុកីឡដ្ឋានជាតិ មរតកតេជោ បានបន្តទៀតថា ដើម្បីថែរក្សាមរតក ដ៏ថ្លៃថ្លា ដែលសម្តេចតេជោ បានផ្តល់ជូនជាតិ និងប្រជាជនកម្ពុជា រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ និងថាមពលរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបង្កើត «ពហុកីឡដ្ឋានជាតិ» ជាគ្រឹះស្ថានសាធារណៈរដ្ឋបាល តាមរយៈអនុក្រឹត្យលេខ ៣៩ អនក្រ.បក ចុះថ្ងៃទី២២ ខែកុម្ភៈ ឆ្នាំ២០២៤ ដើម្បីគ្រប់គ្រងពហុកីឡដ្ឋានជាតិ មរតកតេជោ និងឈានទៅគ្រប់គ្រង ពហុកីឡដ្ឋានជាតិ អូឡាំពិកនាពេលខាងមុខ។ យន្តការថ្មីនេះ បានផ្តល់នូវស្វ័យភាព និងលទ្ធភាពពេញលេញ ក្នុងការគ្រប់គ្រង ចាត់ចែង ផ្តល់សេវាឆាប់រហ័ស មាន