谢丝蕾连续三年获全球金融杂志评为顶级央行行长

គណៈគ្រប់គ្រង និងបុគ្គលិកធនាគារ ABA មានសេចក្ដីសោមនស្សយ៉ាងក្រៃលែង សូមចូលរួមអបអរសាទរ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ក្នុងឱកាសដែល លោកជំទាវបណ្ឌិត ត្រូវបានទទួលស្គាល់ជាថ្មី ចំពោះសមត្ថភាពដឹកនាំក្នុងចំណោមថ្នាក់ដឹកនាំធនាគារកណ្ដាលកំពូលៗនៅជុំវិញពិភពលោក។ លោកជំទាវបណ្ឌិត ត្រូវបានទស្សនាវដ្តីអន្តរជាតិ Global Finance ផ្តល់ចំណាត់ថ្នាក់លំដាប់ខ្ពស់នេះ រយៈពេលបីឆ្នាំជាប់ៗគ្នា ដោយទទួលបានទន្ទឹមគ្នានឹងឥស្សរជនជាថ្នាក់ដឹកនាំល្បីៗក្នុងវិស័យហិរញ្ញវត្ថុលើពិភពលោក ដូចជា ឯកឧត្តម Martin Schlegel (ទេសាភិបាល ធនាគារជាតិនៃប្រទេសស្វ៊ីស) ឯកឧត្តម Khaled Mohamed Balama Al Tameemi (ទេសាភិបាល ធនាគារកណ្តាល អេមីរ៉ាតអារ៉ាប់រួម) និងឯកឧត្តម Eli Remolona (ទេសាភិបាល ធនាគារកណ្តាលហ្វីលីពីន)។ ចំណាត់ថ្នាក់នេះ ឆ្លុះបញ្ចាំងយ៉ាងច្បាស់ពីសមត្ថភាពដឹកនាំដ៏លេចធ្លោប្រកបដោយភាពឈ្លាសវៃរបស់ លោកជំទាវបណ្ឌិត និងប្រសិទ្ធភាពនៃការអនុវត្តគោលនយោបាយរូបិយវត្ថុក្នុងការរួមចំណែកជំរុញកំណើនសេដ្ឋកិច្ច រក្សាស្ថិរភាពរូបិយវត្ថុ គ្រប់គ្រងអតិផរណា និងអត្រាប្តូរប្រាក់របស់ប្រទេសយើង។ #ABABank