5月18日，菩萨省一只怀孕母鹿误入村庄后遭村民猎杀

⭕️សត្វប្រើសញីមានផ្ទៃពោះមួយក្បាល ត្រូវបានប្រជាពលរដ្ឋវាយសម្លាប់ក្រោយវង្វេងចូលក្នុងភូមិ ដោយខ្លាចថាវានាំចង្រៃ😢 **(ពោធិ៍សាត់)៖ **នាថ្ងៃទី១៨ ខែឧសភា** **ឆ្នាំ២០២៦ អាជ្ញាធរមានសមត្ថកិច្ច និងមន្ត្រីជំនាញនៃមន្ទីរបរិស្ថាន មានក្តីរំជួលចិត្ត និងសោកស្តាយយ៉ាងខ្លាំង បន្ទាប់ពីបានទទួលព័ត៌មានស្តីពីករណីសត្វប្រើសញីមានផ្ទៃពោះមួយក្បាល ដែលមានទម្ងន់ជាង១០០គីឡូក្រាម បានវង្វេងចូលមកក្នុងភូមិឋានរបស់ប្រជាពលរដ្ឋ ក្នុងភូមិប៊ុនរ៉ានីសែនជ័យ ដំណាក់ទ្រហឹង ហើយត្រូវបានបុគ្គលអគតិមួយចំនួន ព្រួតដៃគ្នាវាយសម្លាប់យ៉ាងអយុត្តិធម៌។ សកម្មភាពអមនុស្សធម៌នេះ មិនត្រឹមតែជាការបំផ្លិចបំផ្លាញធនធានធម្មជាតិ និងសត្វព្រៃដ៏កម្រដែលកំពុងប្រឈមនឹងការផុតពូជប៉ុណ្ណោះទេ ប៉ុន្តែវាក៏ជាអំពើខុសច្បាប់យ៉ាងធ្ងន់ធ្ងរ ដែលមិនអាចលើកលែងឱ្យយបានឡើយ។ ក្រោយពេលកើតហេតុភ្លាមៗ ដោយមានការសហការណ៍ និងផ្តល់ព័ត៌មានយ៉ាងយកចិត្តទុកដាក់ពីមន្ត្រីបរិស្ថាន អាជ្ញាធរបានចុះអន្តរាគមន៍ និងបានណែនាំឲ្យនាំយកសាកសពសត្វប្រើសដ៏កម្សត់នោះ ទៅធ្វើបុណ្យកប់នៅក្នុងបរិវេណវត្តអារាមឱ្យបានសមរម្យ។ ជាមួយគ្នានេះដែរ អាជ្ញាធរក៏បាននិមន្តព្រះសង្ឃ ដើម្បីធ្វើកិច្ចកុសល បង្សុកូល និងឧទ្ទិសកុសលផលបុណ្យ ជូនដល់វិញ្ញាណក្ខន្ធសត្វប្រើសញី និងកូនក្នុងផ្ទៃ សូមឱ្យបានទៅចាប់ជាតិថ្មី ក្នុងសុគតិភព ជាមនុស្សល្អៗ មានវាសនាខ្ពង់ខ្ពស់ និងជៀសផុតពីជីវិតអភ័ព្វដូចក្នុងជាតិនេះទៀត។ រដ្ឋបាលខេត្ត និងមន្ទីរជំនាញ សូមថ្កោលទោសយ៉ាងដាច់អហង្ការចំពោះទង្វើរបស់ក្រុមបុគ្គលអគតិខាងលើ។ បច្ចុប្បន្ន អាជ្ញាធរកំពុងធ្វើការស្រាវជ្រាវ ដើម្បីចាត់វិធានការតាមផ្លូវច្បាប់ជាធរមាន។ ទន្ទឹមនឹងនេះ អាជ្ញាធរ សូមអំពាវនាវយ៉ាងទទូចដល់បងប្អូនប្រជាពលរដ្ឋទាំងអស់ ក្នុងករណីមានសត្វព្រៃវង្វេងចូលក្នុងភូមិឋាន មេត្តាចូលរួមការពារ ថែរក្សា និងរាយការណ៍ជាបន្ទាន់មកមន្ត្រីបរិស្ថាន ឬអាជ្ញាធរមូលដ្ឋានដែលនៅជិតបំផុត ដើម្បីសង្គ្រោះពួកវាឱ្យបានទាន់ពេលវេលា ជៀសវាងការបង្ករបួសស្នាម ឬសម្លាប់សត្វព្រៃដោយអចេតនា និងចេតនា៕ ✦** . 　⁺ 　 . **✦** . 　⁺ 　 . **✦** . 　⁺ 　 . **✦** . 　⁺ 　 . **✦** . ** 👉🏻នាំមកជូនដោយ**: “**រាជសីហ៍**” **ហាងនៃពិភពសម្ភារៈវាយសីដ៏សម្បូរបែប** **រួមមានយីហោ** YONEX, VICTOR & LINING**❗🏸🎾 👉🏻**Telegram : ****https://t.me/reachseibadminton**