洪玛尼志愿医疗队在森速区义诊 免费服务235名居民

ព្រឹកថ្ងៃអាទិត្យ ទី៣១  ខែឧសភា ឆ្នាំ២០២៦ សង្កាត់សំរោងក្រោម ខណ្ឌពោធិ៍សែនជ័យ ❤️🙏 ............................... ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានបន្តចុះតាមមូលដ្ឋានផ្ទាល់ក្នុងរាជធានីភ្នំពេញ។ ឯកឧត្តមវេជ្ជបណ្ឌិត ឌឿន វុទ្ធា អនុប្រធានប្រត្តិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ទទួលបន្ទុកកិច្ចការទូទៅ និងជាអនុប្រធានប្រចាំការសាខា​សកម្មជនក្រុមការងារយុវជនរាជធានីភ្នំពេញ តំណាងឯកឧត្តម លេង ផាលី សមាជិកគណ:អចិន្ត្រៃយ៍គណ:កម្មាធិការកណ្ដាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានដឹកនាំក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចំនួន ២៤នាក់ ស្រី៦នាក់ ចុះជួបបងប្អូនប្រជាជននៅ សង្តាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដោយការ​ពិនិត្យព្យាបាល អប់រំសុខភាព និងចែកអំណោយថ្នាំពេទ្យដ៏ថ្លៃថ្លា របស់ឯកឧត្តមឧបនាយករដ្ឋមន្រ្តី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ជូនប្រជាជន ពិសេសលោកយាយ លោកតា ចាស់ជរា មានបញ្ហាសុខភាព ជំងឺលើសសម្ពាធឈាម ទឹកនោមផ្អែម ត្រចៀក ច្រមុះបំពងក និងពិនិត្យឈាមជូនដោយឥតគិតថ្លៃបានចំនួន ២៣៥នាក់ ស្រី ១៤២នាក់​ ។ កម្មវិធី​ចុះមូលដ្ឋានផ្ទាល់ក្នុងរាជធានីភ្នំពេញ នេះមានការអញ្ជើញចូលរួមផងដែរ ដោយលោក ផុន សុផាន អភិបាលរងខណ្ឌពោធិ៍សែនជ័យ តំណាងលោកអភិបាលខណ្ឌ លោក ហៃ សុខឃីម ចៅសង្កាត់សំរោងក្រោម លោក ខន ចាន់ ថុល ប្រធានយុវជនសង្កាត់ លោក លោកស្រី ក្រុមប្រឹក្សាសង្កាត់ រួមជាមួយលោកវេជ្ជបណ្ឌិត អុំ សុខា ប្រធានមន្ទីរពេទ្យបង្អែកច្យារអំពៅ តំណាង ឯកឧត្តមបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ និងជាអនុប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ជាប្រធានក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំសាខារាជធានីភ្នំពេញ។ ការអប់រំសុខភាពដោយ លោក សាវឿន អំពីអាហារគួរចៀសវាងអាហារមានសាធាតុប្រៃខ្លាំង ផ្អែមខ្លាំង និងសាធាតុខ្លាញ់ច្រើនពេក។ លោកវេជ្ជបណ្ឌិត ឈឹម គឹមហ៊ាន និងវេជ្ជបណ្ឌិត កែប ច័ន្ទសមា អំពីបញ្ហាត្រចៀក ច្រមុះ បំពង់ក លោក ឃឹម សំរិត លោក ស មន្នីឧត្តម និង លោកគ្រូពេទ្យ នួន សារ៉ាត់ អំពីការថែទាំសុខភាព បង្ការជំងឺឆ្លង។ កម្មវិធីនេះ មានការសហការជាមួយ អាជ្ញាធរមូលដ្ឋាន មណ្ឌលសុខភាព យុវជន​ស.ស.យ.​ក. យុវជនកាកបាទក្រហម និង សាខាសកម្មជនយុវជនរាជធានីភ្នំពេញ។🙏❤️