柬埔寨新年第二天多地出现分散性降雨

ថ្ងៃទី២ នៃពិធីបុណ្យចូលឆ្នាំថ្មី កម្ពុជាមានភ្លៀងធ្លាក់រាយប៉ាយនៅតំបន់ជាច្រើន រូបភាពពីលើផ្កាយរណបនៅរសៀលថ្ងៃពុធ ទី ១៥ មេសា នេះ បានបង្ហាញថា ពពពផ្កាស្ពៃ ឬពពកភ្លៀង (cumulonimbus clouds) នៅឈរច្រាងរាយប៉ាយគ្រប់តំបន់ធំៗទាំង៣របស់ប្រទេសកម្ពុជា។ វាមិនមែនជាភ្លៀងធ្លាក់គ្របដណ្ដប់ផ្ទៃដីធំទូលាយទេ ប៉ុន្តែជាភ្លៀងរាយប៉ាយ (Isolated rainfall) ទៅតាមតំបន់នៃខេត្តនីមួយៗរួមមាន៖ ១. តំបន់មាត់សមុទ្រ៖ ព្រះសីហនុ កំពត និងកោះកុង។ ២. តំបន់ទំនាប៖ តាកែវ ព្រៃវែង កំពង់ចាម កំពង់ធំ ពោធិ៍សាត់ បាត់ដំបង សៀមរាប និងបន្ទាយមានជ័យ។ ៣. ខ្ពង់រាប៖ មណ្ឌលគិរី រតនគិរី ស្ទឹងត្រែង និងកំពង់ស្ពឺ។ ទោះបីជាមានភ្លៀងធ្លាក់តាមតំបន់ក្ដី មួយភាគធំនៃប្រទេសកម្ពុជានៅតែបន្តកត់ត្រាពីសីតុណ្ហភាពខ្ពស់ ដែលកន្លែងមួយចំនួនដល់ ៤០ អង្សាសេ។ ប៉ុន្តែ កម្ពុជាអាចនឹងឃើញភ្លៀងធ្លាក់កាន់តែច្រើន ដោយសារតែខែមេសា ជាអន្តរកាលពីរដូវប្រាំងទៅវស្សា គ្របដណ្ដប់ទៅដោយប្រព័ន្ធសម្ពាធទាប និងខ្យល់នាំសំណើមពីសមុទ្រភាគនិរតី និងបស្ចឹម។ ដោយ៖ ហួន ឌីណា [📲 Telegram](https://t.me/kptnews) | [YouTube](https://www.youtube.com/@tvkampucheathmey) | [X (Twitter](https://x.com/KPT_Daily))