苏庆出席马德望优秀学生表彰会 奖励90名A等生

ឯកឧត្តមឧបនាយករដ្ឋមន្ត្រី កើត រិទ្ធ អញ្ជើញអមដំណើរសម្តេចក្រឡាហោម ស ខេង ក្នុងពិធីសំណេះសំណាល និងប្រគល់ម៉ូតូជូនសិស្សនិទ្ទេស A ចំនួន ៩០នាក់ នៅខេត្តបាត់ដំបង ===================== នាព្រឹកថ្ងៃអាទិត្យ ១រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា ឆ្នាំ២០២៦ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាអនុប្រធានទី១ នៃក្រុមការងារគណបក្សចុះមូលដ្ឋានខេត្តបាត់ដំបង បានអញ្ជើញអមដំណើរសម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តបាត់ដំបង ក្នុងពិធីសំណេះសំណាល និងប្រគល់រង្វាន់លើកទឹកចិត្តជាម៉ូតូជូនសិស្សានុសិស្សដែលប្រឡងជាប់សញ្ញាបត្រមធ្យមសិក្សាទុតិយភូមិ ទទួលបាននិទ្ទេស A ចំនួន ៩០នាក់ សម្រាប់ឆ្នាំសិក្សា២០២៥–២០២៦ នៅខេត្តបាត់ដំបង។ ពិធីនេះត្រូវបានរៀបចំឡើងក្នុងគោលបំណងអបអរសាទរ និងលើកទឹកចិត្តដល់សិស្សានុសិស្សដែលបានខិតខំប្រឹងប្រែងរៀនសូត្ររហូតទទួលបានលទ្ធផលដ៏ឆ្នើម ព្រមទាំងបង្ហាញពីការយកចិត្តទុកដាក់ខ្ពស់របស់ថ្នាក់ដឹកនាំចំពោះការអភិវឌ្ឍវិស័យអប់រំ ការកសាងធនធានមនុស្សប្រកបដោយគុណភាព និងការលើកកម្ពស់វប្បធម៌នៃការសិក្សានៅក្នុងខេត្តបាត់ដំបង។ រង្វាន់លើកទឹកចិត្តនេះ មិនត្រឹមតែជាការទទួលស្គាល់ចំពោះសមិទ្ធផលរបស់សិស្សជ័យលាភីប៉ុណ្ណោះទេ ប៉ុន្តែថែមទាំងជាកម្លាំងចិត្តដ៏សំខាន់សម្រាប់ឱ្យក្មួយៗបន្តខិតខំរៀនសូត្រ អភិវឌ្ឍសមត្ថភាព និងក្លាយជាធនធានមនុស្សដ៏មានសក្តានុពលសម្រាប់ចូលរួមកសាង និងអភិវឌ្ឍប្រទេសជាតិនាពេលអនាគត។