洪玛尼接见42名留学生 勉励学成归国建设国家

[ឯកឧត្តម ហ៊ុន ម៉ានី៖ "ភាពជោគជ័យរបស់និស្សិតជ័យលាភីអាហារូបករណ៍ គឺជាផ្នែកមួយនៃភាពជោគជ័យរបស់ប្រទេសជាតិ" 🎓🇰🇭](https://www.facebook.com/share/p/1Bfge6VHQC/) នារសៀលថ្ងៃទី១៧ ខែសីហា ឆ្នាំ២០២៦ សហព័ន្ធនិស្សិតកម្ពុជានៅបរទេស បានដឹកនាំនិស្សិតជ័យលាភីអាហារូបករណ៍ចូលជួបសម្ដែងការគួរសម និងទទួលអនុសាសន៍ណែនាំដ៏ខ្ពង់ខ្ពស់ពី ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ដោយមានការអមដំណើរពីឯកឧត្តម លោកជំទាវ លោក លោកស្រី ជាថ្នាក់ដឹកនាំក្រសួង មុនពេលចេញទៅបន្តការសិក្សានៅក្រៅប្រទេស។ ផ្តើមដោយស្នាមញញឹម និងប្រសាសន៍ចូលរួមអបអរសាទរដល់និស្សិតជ័យលាភីទាំង ៤២រូប (ដែលនឹងទៅបន្តការសិក្សានៅសាធារណរដ្ឋបារាំង ១៣រូប សាធារណរដ្ឋឆែក ១៨រូប ប្រទេសអៀរឡង់ ១០រូប និងសាធារណរដ្ឋកូរ៉េ ១រូប) ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ អមជាមួយថ្នាក់ដឹកនាំក្រសួង បានចែករំលែកបទពិសោធន៍ និងទស្សនៈវិស័យពីការសិក្សា និងការរស់នៅក្រៅប្រទេស ព្រមទាំងលើកទឹកចិត្តឱ្យនិស្សិតគ្រប់រូបខិតខំសិក្សារៀនសូត្រ និងក្រេបជញ្ជក់ចំណេះដឹងឱ្យបានទូលំទូលាយ ទាំងពីសាលារៀន និងពីសង្គមជុំវិញខ្លួន។ Our social media channel: [Telegram](https://t.me/camstudentcambodia) | [Facebook](https://web.facebook.com/camstudentcambodia) | [TikTok](https://www.tiktok.com/@camstudent_info) | [LinkedIn](https://www.linkedin.com/company/camstudents)