东盟观察员小组视察柏威夏寺 全员穿戴防弹衣防范风险

«ក្រុមអ្នកសង្កេតការណ៍អាស៊ាន ចុះពិនិត្យប្រាសាទព្រះវិហារ សុទ្ធតែពាក់អាវក្រោះគ្រប់​គ្នា ក្រោយមានករណីបាញ់គំរាមពីទាហានថៃកន្លងមក» ក្រុមអ្នកសង្កេតការណ៍អាស៊ាន (AOT) នៅព្រឹកថ្ងៃទី១៤ ខែឧសភា ឆ្នាំ២០២៦នេះ បានចុះទៅសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែន​នៅ​ប្រាសាទព្រះវិហារ។ ប៉ុន្តែ អ្វីដែលជាការកត់សម្គាល់ គឺសមាជិកក្រុម​អ្នកសង្កេតការណ៍​អាស៊ាន(AOT)ទាំងអស់ សុទ្ធតែបានពាក់អាវក្រោះការពារគ្រាប់គ្រប់ៗគ្នានៅក្នុង​ដំណើរចុះទៅលើកនេះ។ នេះក៏ប្រហែលជាក្រុមអ្នកសង្កេតការណ៍អាស៊ាន (AOT) ត្រូវមានការប្រុងប្រយ័ត្នខ្លួន ការពារសុវត្ថិភាពខ្លាំងជាងពេលមុនៗ បន្ទាប់ពីក្រុមអនុព័ន្ធយោធាបរទេសប្រចាំនៅកម្ពុជា ធ្លាប់បានរងនូវការបាញ់គំរាមកាំភ្លើងប្រភេទ M-79 និងប្រភេទ M-16 ចំនួន៩គ្រាប់ ពីក្រុមទាហានថៃ កាលពីថ្ងៃទី២៩ ខែមេសា ឆ្នាំ២០២៦ នៅច្រកអូរស្មាច់ ខេត្តឧត្តរមានជ័យ។ [📲 Telegram](https://t.me/kptnews) | [YouTube](https://www.youtube.com/@tvkampucheathmey) | [X (Twitter](https://x.com/KPT_Daily))