泰国遭遇严重洪灾，29个省份及曼谷50个区受灾，受影响人口超

គ្រោះទឹកជំនន់វាយប្រហារ ២៩ខេត្តនៅថៃ ប៉ះពាល់ប្រជាជនជាង ២,៦លាននាក់ ខណៈអ្នកស្លា.ប់កើនដល់ ២២នាក់! បាងកក៖ នាយកដ្ឋានបង្ការ និងកាត់បន្ថយគ្រោះមហន្តរាយថៃ បានរាយការណ៍ថា គ្រោះទឹកជំនន់យ៉ាងធ្ងន់ធ្ងរកំពុងវាយប្រហារលើខេត្តចំនួន ២៩ រួមទាំងខណ្ឌទាំង ៥០ នៅក្នុងរាជធានីបាងកក ដោយបង្កផលប៉ះពាល់ដល់ប្រជាពលរដ្ឋសរុប ២,៦០២,៣០៩នាក់ ស្មើនឹង ៩៤០,៣០០គ្រួសារ ខណៈចំនួនអ្នកស្លាប់បានកើនឡើងដល់ ២២នាក់ហើយ។ វិបត្តិទឹកជំនន់ដ៏ធំធេងនេះ បានស្តែងឱ្យឃើញយ៉ាងច្បាស់ពីភាពកម្សោយ និងការខកខានរបស់អាជ្ញាធរថៃ ក្នុងការរៀបចំប្រព័ន្ធប្រកាសអាសន្ន និងការគ្រប់គ្រងគ្រោះមហន្តរាយឱ្យបានទាន់ពេលវេលា។ ទោះបីជាមានការទស្សន៍ទាយអាកាសធាតុទុកជាមុនក៏ដោយ ប៉ុន្តែការឆ្លើយតបយ៉ាងយឺតយ៉ាវរបស់រដ្ឋាភិបាល បានធ្វើឱ្យប្រជាពលរដ្ឋរាប់លាននាក់រៀបចំខ្លួនមិនទាន់ រហូតជួបការខូចខាតទ្រព្យសម្បត្តិយ៉ាងធ្ងន់ធ្ងរ និងបាត់បង់ជីវិតជាបន្តបន្ទាប់។ ជាមួយគ្នានេះ ការដែលរាជធានីបាងកកត្រូវលិចលង់គ្រប់ខណ្ឌទាំង ៥០ ក៏ជាភ័ស្តុតាងបង្ហាញពីបរាជ័យនៃប្រព័ន្ធលូ និងហេដ្ឋារចនាសម្ព័ន្ធរំដោះទឹកក្នុងក្រុង ដែលមិនអាចទប់ទល់នឹងជំនន់ទឹកភ្លៀងបានឡើយ។