布拉索昆回应泰方退出MoU 2001 柬方将诉诸国际法解决海域争议

លោក ប្រាក់ សុខុន៖ ការដកខ្លួនពី MoU 2001របស់ថៃ មិនប៉ះពាល់ដល់សិទ្ធិស្របច្បាប់របស់កម្ពុជានៅលើដែនសមុទ្រឡើយ កម្ពុជា សោកស្តាយដែលថៃសម្រេចដកខ្លួនពីអនុស្សារណៈនៃការយោគគ្នា ឆ្នាំ២០០១ ស្តីពីតំបន់ទាមទារត្រួតគ្នាកម្ពុជា-ថៃ (MoU 2001)។ នៅក្នុងសេចក្តីថ្លែងការណ៍ ប្រមុខការទូតកម្ពុជា លោកឧបនាយករដ្ឋមន្ត្រី ប្រាក់ សុខុន ចាត់ទុកការដកខ្លួនរបស់ថៃពីMoU 2001ថា ជាការដើរចេញពីឆន្ទៈនយោបាយ ដែលសម្រេចឱ្យប្រទេសទាំងពីរ ដោះស្រាយដោយសន្តិវិធី និងផ្អែកលើច្បាប់អន្តរជាតិ ពាក់ព័ន្ធនឹងការទាមទារដែនសមុទ្រត្រួតគ្នា និងការដោះស្រាយបញ្ហាសមុទ្រជាមួយគ្នា។ គ្មានMoU 2001 កម្ពុជា មានតែជ្រើសរើសប្រើយន្តការនៃការផ្សះផ្សារដោយចាប់បង្ខំ ក្រោមអនុសញ្ញាសហប្រជាជាតិស្តីពីនីតិវិធីសមុទ្រ។ លោក ប្រាក់ សុខុន បញ្ជាក់ដូច្នេះ រួចសង្កត់ធ្ងន់ថា ការដកខ្លួនរបស់ថៃ មិនប៉ះពាល់ដល់សិទ្ធិស្របច្បាប់របស់កម្ពុជា នៅលើដែនសមុទ្រនោះទេ។ ការសម្រេចជ្រើសរើសយកយន្តការផ្សះផ្សារដោយចាប់បង្ខំក្រោមអនុសញ្ញាសហប្រជាជាតិស្តីពីនីតិវិធីសមុទ្រ គឺបញ្ជាក់សាជាថ្មីនូវឆន្ទៈរបស់កម្ពុជា ក្នុងការដោះស្រាយគ្រប់វិវាទទាំងអស់ ជាមួយប្រទេសជិតខាងដោយសន្តិវិធី និងផ្អែកលើច្បាប់អន្តរជាតិ។ វីដេអូ៖ ទូរទស្សន៍ជាតិកម្ពុជា(TVK)