DAP新闻中心发布声明 严正否认与冒名机构关联

មជ្ឈមណ្ឌលសារព័ត៌មាន ដើមអម្ពិល DAP News Media Center សូមជម្រាបជូនសាធារណជន មេត្តាជ្រាបថា៖ យោងតាមវីដេអូដែលបាននិងកំពុងចែកចាយនៅលើបណ្តាញសង្គម បង្ហាញពីបុគ្គលម្នាក់កាន់ស្លាកឈ្មោះ "សារព័ត៌មាន ដើមអម្ពិល ៩៩" អមដោយគ្រឿងស្រវឹងនៅលើតុនោះ មិនមែនជាបុគ្គលិករបស់អង្គភាព ឬកម្មសិក្សាការី ឬមានទំនាក់ទំនងការងារណាមួយជាមួយមជ្ឈមណ្ឌលសារព័ត៌មាន ដើមអម្ពិល ឡើយ។ អង្គភាពយើងខ្ញុំមិនមានសាខា ឬផ្នែកណាមួយដែលមានឈ្មោះថា "ដើមអម្ពិល ៩៩" នោះទេ។ ការយកឈ្មោះអង្គភាពទៅប្រើប្រាស់ក្នុងរូបភាពបែបនេះ គឺជាការក្លែងបន្លំ និងធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់ស្ថាប័នសារព័ត៌មានយើងខ្ញុំ។ មជ្ឈមណ្ឌលសារព័ត៌មាន ដើមអម្ពិល មានវិន័យតឹងរ៉ឹងបំផុតចំពោះបុគ្គលិកគ្រប់រូប។ យើង មិនអនុញ្ញាត ដាច់ខាតឱ្យបុគ្គលិកប្រើប្រាស់គ្រឿងស្រវឹងក្នុងអំឡុងពេលបំពេញការងារ ឬប្រើប្រាស់ឈ្មោះអង្គភាពទៅពាក់ព័ន្ធនឹងសកម្មភាពដែលខុសនឹងក្រមសីលធម៌វិជ្ជាជីវៈសារព័ត៌មានបែបនេះឡើយ។ អាស្រ័យហេតុនេះ សូមសាធារណជនមេត្តាជ្រាបជាព័ត៌មាន និងជៀសវាងការភ័ន្តច្រឡំចំពោះករណីខាងលើ។ អង្គភាពយើងខ្ញុំនឹងបន្តតាមដាន និងចាត់វិធានការតាមផ្លូវច្បាប់ ប្រសិនបើមានការយកឈ្មោះស្ថាប័នទៅប្រើប្រាស់ក្នុងផ្លូវមិនត្រឹមត្រូវបន្តទៀត។ ថ្ងៃសៅរ៍ ទី២ ខែឧសភា ឆ្នាំ២០២៦ មជ្ឈមណ្ឌលសារព័ត៌មាន ដើមអម្ពិល