中国外交部敦促日本深刻反省历史战争罪行

ចិន ជំរុញឱ្យជប៉ុនពិចារណាឡើងវិញដោយស្មោះត្រង់លើ «ឧក្រិដ្ឋកម្មសង្គ្រាម» ក្នុងប្រវត្តិសាស្ត្រ និងផ្តាច់ខ្លួនឱ្យដាច់ស្រឡះពីលទ្ធិយោធានិយម ប៉េកាំង៖ រដ្ឋាភិបាលនៃសាធារណរដ្ឋប្រជាមានិតចិន បានចេញមុខអំពាវនាវ និងជំរុញយ៉ាងទទូចឱ្យភាគីជប៉ុនធ្វើការឆ្លុះបញ្ចាំង និងពិចារណាឡើងវិញដោយស្មោះត្រង់លើ «ឧក្រិដ្ឋកម្មសង្គ្រាម» និងអំពើឈ្លានពាននាអតីតកាលព្រមទាំងជម្រុះចោលឱ្យអស់នូវលទ្ធិយោធានិយម ដើម្បីស្តារទំនុកចិត្ត និងរក្សាទំនាក់ទំនងល្អជាមួយបណ្តាប្រទេសជិតខាងនៅក្នុងតំបន់។ ការថ្លែងសារដ៏តឹងរ៉ឹងពីសំណាក់ក្រសួងការបរទេសចិន ត្រូវបានធ្វើឡើងបន្ទាប់ពីមានការកត់សម្គាល់ជុំវិញសកម្មភាព និងការសម្តែងទស្សនៈរបស់មន្ត្រីជាន់ខ្ពស់ជប៉ុនមួយចំនួន ពាក់ព័ន្ធនឹងប្រវត្តិសាស្ត្រសង្គ្រាមលោកលើកទី២ និងការទស្សនកិច្ចនៅប្រាសាទយ៉ាស៊ូគូនី (Yasukuni Shrine)។ អ្នកនាំពាក្យការបរទេសចិនបានគូសបញ្ជាក់ថា ការប្រឈមមុខ និងទទួលស្គាល់ប្រវត្តិសាស្ត្រឈ្លានពានដោយស្មោះត្រង់ គឺជាលក្ខខណ្ឌចំបាច់ និងជាគ្រឹះដ៏សំខាន់មិនអាចខ្វះបាន សម្រាប់ការអភិវឌ្ឍទំនាក់ទំនងទ្វេភាគីរវាងចិន និងជប៉ុន ប្រកបដោយស្ថិរភាពនឹងភាពយូរអង្វែង។ ប្រភព៖ Reuters [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech) | [YouTube](https://www.youtube.com/@rumlech) | [Instagram](https://www.instagram.com/rumlech/) |