韩国下调柬埔寨部分区域旅行预警 犯罪率同比下降94%

កូរ៉េខាងត្បូងដកបម្រាមធ្វើដំណើរទៅកាន់តំបន់មួយចំនួននៅកម្ពុជា ក្រោយស្ថានភាពសន្តិសុខមានភាពប្រសើរឡើង AKP ភ្នំពេញ ថ្ងៃទី១០ ខែកក្កដា ឆ្នាំ២០២៦ -- សាធារណរដ្ឋកូរ៉េ បានដកបម្រាមធ្វើដំណើរទៅកាន់តំបន់មួយចំនួននៅកម្ពុជា ដោយសារស្ថានភាពសន្តិសុខមានភាពប្រសើរឡើង នេះបើយោងតាមក្រសួងការបរទេសកូរ៉េខាងត្បូង ដែលត្រូវបានដកស្រង់ដោយទីភ្នាក់ងារសារព័ត៌មានកូរ៉េ Yonhap។ ក្រសួងការបរទេសកូរ៉េខាងត្បូង បានបន្ថយកម្រិតការព្រមានការធ្វើដំណើរសម្រាប់តំបន់ភ្នំបូកគោ ក្នុងខេត្តកំពត និងក្រុងបាវិត និងប៉ោយប៉ែត ពីកម្រិតទី៤ ដែលជាកម្រិតព្រមានខ្ពស់បំផុត មកកម្រិតទី៣ ដែលណែនាំឱ្យពលរដ្ឋកូរ៉េខាងត្បូងចាកចេញពីតំបន់ទាំងនោះ។ បម្រាមធ្វើដំណើរនេះ បានចូលជាធរមានតាំងពីខែតុលា ឆ្នាំ២០២៥។ ក្រសួងបានបញ្ជាក់ថា ការសម្រេចបន្ធូរបន្ថយការរឹតបន្តឹងនេះ ធ្វើឡើងបន្ទាប់ពីស្ថានភាពសន្តិសុខមានភាពប្រសើរឡើងយ៉ាងខ្លាំង ដោយករណីបទល្មើសពាក់ព័ន្ធនឹងពលរដ្ឋកូរ៉េខាងត្បូងនៅកម្ពុជា បានថយចុះ ៩៤ភាគរយ ក្នុងឆមាសទី១ ឆ្នាំ២០២៦ បើធៀបនឹងរយៈពេលដូចគ្នាកាលពីឆ្នាំមុន។ យោងតាមច្បាប់ស្តីពីលិខិតឆ្លងដែនរបស់កូរ៉េខាងត្បូង ពលរដ្ឋដែលធ្វើដំណើរចូល ឬស្នាក់នៅក្នុងតំបន់ដែលស្ថិតក្រោមបម្រាមធ្វើដំណើរ ដោយគ្មានការអនុញ្ញាតពីរដ្ឋាភិបាល អាចប្រឈមនឹងទណ្ឌកម្មព្រហ្មទណ្ឌ និងវិធានការរដ្ឋបាល៕ ដោយ នីកា **——————** Connect with AKP: 🌐[Telegram ](https://t.me/TheAKP)🌐[Facebook ](https://www.facebook.com/akp.official/)🌐[Website ](http://akp.gov.kh/)👉[X](https://twitter.com/kampucheapresse) ([Twitte](https://twitter.com/kampucheapresse)[r](https://twitter.com/kampucheapresse)) 🌐[Instagram](https://www.instagram.com/akp_news/) 🌐[TikTok](https://www.tiktok.com/@agencekampucheapresse) 🌐[YouTube](https://www.youtube.com/@agencekampucheapresse/featured) #CambodiaWantsPeace #JusticeForCambodia