洪玛尼团队在茶胶省开展免费义诊活动

ថ្ងៃអាទិត្យ ទី៣០ ខែសីហា ឆ្នាំ២០២៦ នៅឃុំរាមអណ្តើក ស្រុកគីរីវង់ ខេត្តតាកែវ បងប្អូនប្រជាជនបានអញ្ជើញមកការទទួលពិនិត្យ ព្យាបាលជំងឺ និងទទួលថ្នាំពេទ្យ ដោយឥតគិតថ្លៃ ពីក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី លើសផែនការ។ ឯកឧត្តម ឌឿន វុទ្ធា អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ទទួលបន្ទុកកិច្ចការទូទៅ តំណាងឯកឧត្តម លេង ផាលី សមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បាននាំយកសម្ភារបរិក្ខាថ្នាំពេទ្យដែលជាអំណោយដ៏ថ្លៃថ្លា របស់ឯកឧត្តមឧបនាយករដ្ឋមន្រ្តី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងបានដឹកនាំក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន ១៧១នាក់ ស្រី ៨១នាក់ ក្នុងការចុះពិនិត្យ ព្យាបាលជំងឺ ចែកថ្នាំពេទ្យ ផ្តល់សេវាជូនប្រជាជនដោយឥតគិតថ្លៃបានចំនួន ១.១៤២នាក់ ស្រី ៧៦៤នាក់។ កម្មវិធីនេះមានការសហការគ្នាជាមួយឯកឧត្តម ជា មានិត តំណាងឯកឧត្តម សុខ សូកាន ប្រធានក្រុមការងាររាជរដ្ឋាភិបាលចុះមូលដ្ឋានស្រុកគីរីវង់ លោកឱសថការី ផាន់ វ៉ាន់ អនុប្រធានប្រតិបត្តិក្រុមកាងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ទទួលបន្ទុកប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានីប្រចាំខេត្តតាកែវ និងជាប្រធានមន្ទីរសុខាភិបាលខេត្តតាកែវ លោក នៅ ក្តុល ប្រធានការិយាល័យស្រុកប្រតិបត្តិសុខាភិបាលស្រុកគីរីវង្ស  លោក ងួន ឌីណា អភិបាលស្រុកគីរីវង់ លោក ប៉ែន ថុល មេឃុំរាមអណ្តើក និងលោក ហាន បូរិន និងក្រុមការងារដែលពាក់ព័ន្ធ។ ប្រជាជនមានការសប្បាយរីករាយខ្លាំងចំពោះក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ដែលតែងតែមានការយកចិត្តទុកដាក់អំពីសុខភាពប្រជាជន និងថ្លែងអំណរគុណដល់ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងអាជ្ញាធរ សូមអោយបន្តចុះតាមមូលដ្ឋានដូចនេះបន្តទៀត អោយបានញឹកញាប់។