柬埔寨数字技术学院与王家军卫生科学研究所达成数字化合作

[**ជំនួបទស្សនកិច្ចសិក្សា និងដកស្រង់បទពិសោធន៍រវាង បណ្ឌិត្យសភាបច្ចេកវិទ្យាឌីជីថលកម្ពុជា (CADT) និង វិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ**](https://www.facebook.com/share/p/1PtPPoAy94/) រាជធានីភ្នំពេញ ថ្ងៃទី៤ ខែសីហា ឆ្នាំ២០២៦៖ បណ្ឌិត្យសភាបច្ចេកវិទ្យាឌីជីថលកម្ពុជា (CADT) មានក្តីសោមនស្សរីករាយ ក្នុងការទទួលស្វាគមន៍យ៉ាងកក់ក្តៅជូនចំពោះ គណៈប្រតិភូនៃវិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ (ខ.ភ.ម) ក្នុងឱកាសនៃដំណើរទស្សនកិច្ចសិក្សា និងដកស្រង់បទពិសោធន៍ស្តីពី «ការប្រើប្រាស់ប្រព័ន្ធគ្រប់គ្រងសាកលវិទ្យាល័យ»។ កិច្ចសហប្រតិបត្តិការនេះផ្តោតសំខាន់លើការលើកកម្ពស់គុណភាពនៃការអប់រំបណ្តុះបណ្តាលក្នុងវិស័យសុខាភិបាល ព្រមទាំងពង្រឹងប្រសិទ្ធភាព នៃការគ្រប់គ្រងទិន្នន័យបុគ្គលិក គ្រូបង្រៀន និស្សិត និងកម្មវិធីសិក្សាតាមបែបឌីជីថលទំនើបឱ្យស្របតាមយុគសម័យបច្ចេកវិទ្យា។ តាមរយៈជំនួបពិភាក្សានេះ CADT និងវិទ្យាស្ថានវិទ្យាសាស្ត្រសុខាភិបាល ខ.ភ.ម បានប្តេជ្ញាចិត្តយ៉ាងមុតមាំក្នុងការបន្តកិច្ចសហប្រតិបត្តិការ ផ្លាស់ប្តូរចំណេះដឹង និងបច្ចេកវិទ្យា សំដៅធានាបាននូវការបណ្តុះបណ្តាលប្រកបដោយគុណភាពខ្ពស់ ដើម្បីចូលរួមចំណែកយ៉ាងសកម្មក្នុងការអភិវឌ្ឍ ឆ្ពោះទៅសម្រេចបាននូវបរិវត្តកម្មឌីជីថលប្រកបដោយចីរភាព។