冒充狄威嘉将军诈骗嫌犯落网 曾作案50起成功25次

ជនទុច្ចរិតដែលយករូបថត និងឈ្មោះ លោកឧត្តមសេនីយ៍ឯក ឌី វិជ្ជា ទៅសម្លុត និងបោកប្រជាពលរដ្ឋ ត្រូវបានចាប់ខ្លួនហើយ។ លោកឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ បានបញ្ជាក់ថា ជនម្នាក់ត្រូវចាប់ខ្លួនបានហើយ។ ក្រោយធ្វើការសាកសួរ បុគ្គលនេះធ្លាប់ធ្វើសកម្មភាពប្រមាណ៥០លើកមកហើយ និងបានជោគជ័យ២៥លើក ហើយប្រមាណ០៥លើកលើ០៨ករណី ទទួលបានជោគជ័យក្រោមរូបភាពប្រើប្រាស់ឈ្មោះថ្នាក់ដឹកនាំ ទៅគំរាមទារប្រាក់។ ជាបន្តបន្ទាប់ ជននេះក៏បានប្រើប្រាស់រូបថតនិងឈ្មោះខ្ញុំ ដើម្បីក្លែងបន្លំក្នុងការធ្វើសកម្មភាពឆបោករបស់ខ្លួន ប៉ុន្តែដោយសារមានការផ្ដល់ព័ត៌មាននានាពាក់ព័ន្ធនឹងបុគ្គលនេះ ទើបសមត្ថកិច្ចធ្វើការស្រាវជ្រាវ និងឈានដល់ការឃាត់ខ្លួន។ ខ្ញុំសូមអរគុណដល់បងប្អូនទាំងអស់ ហើយសូមបន្តចូលរួមទប់ស្កាត់បទល្មើសបែបនេះបន្ថែមទៀត។