金边水净华区河岸护墙坍塌 官方正调查施工质量

ភ្នំពេញ៖ ជញ្ជាំងបេតុងទប់ដីមួយកន្លែងស្ថិតនៅជាប់មាត់ទន្លេ ក្នុងភូមិសាស្ត្រខណ្ឌជ្រោយចង្វារ រាជធានីភ្នំពេញ បានរងការបាក់ស្រុត បង្កឱ្យមានការព្រួយបារម្ភពីសំណាក់ប្រជាពលរដ្ឋ និងអ្នកធ្វើដំណើរតាមផ្លូវទឹក។ តាមការសង្កេតនៅទីតាំងកើតហេតុ គេឃើញផ្នែកខ្លះនៃជញ្ជាំងបេតុង និងដីដែលបានចាក់បំពេញ បានបាក់ស្រុតចុះ ខណៈមូលហេតុពិតប្រាកដមិនទាន់ត្រូវបានបញ្ជាក់ជាផ្លូវការនៅឡើយទេ។ ប្រជាពលរដ្ឋបានស្នើឱ្យអាជ្ញាធរ និងមន្ទីរជំនាញពាក់ព័ន្ធ ចុះពិនិត្យ និងបំភ្លឺជុំវិញគម្រោងសាងសង់នេះ ថាតើមានការអនុញ្ញាត និងអនុវត្តតាមលក្ខណៈបច្ចេកទេសដែរឬទេ។ មកទល់ពេលនេះ អ្នកសារព័ត៌មានកំពុងស្វែងរកការបំភ្លឺពីអាជ្ញាធរមូលដ្ឋាន និងស្ថាប័នជំនាញពាក់ព័ន្ធ ដើម្បីបញ្ជាក់បន្ថែមអំពីមូលហេតុនៃការបាក់ស្រុត និងវិធានការបន្ត។