洪玛尼主持西南地区医疗机构公务员普查启动仪式

វត្តមានថ្នាក់ដឹកនាំ ភ្ញៀវកិត្តិយស និងសមាសភាពចូលរួម បានធ្វើដំណើរមកដល់សាលសន្និសីទបូកគោនៃសាលាខេត្តកំពត នាព្រឹកថ្ងៃទី២១ ខែតុលា ឆ្នាំ២០២៦ នេះ ដើម្បីត្រៀមចូលរួមក្នុងពិធីប្រកាសបើកយុទ្ធនាការចុះធ្វើជំរឿនមន្ត្រីជាក់ស្តែងនៅតាមរចនាសម្ព័ន្ធនៃអង្គភាពសុខាភិបាលមូលដ្ឋានដែលស្ថិតនៅក្នុងខេត្តនៃភូមិភាគនិរតី។ នៅសាលសន្និសីទបូកគោ ក្រុមការងាររៀបចំកម្មវិធី បានដំណើរការទទួលបដិសណ្ឋារកិច្ចគណៈប្រតិភូ ដែលអញ្ជើញមកពីបណ្តាក្រសួង ស្ថាប័នថ្នាក់ជាតិពាក់ព័ន្ធ និងរដ្ឋបាលខេត្តទាំង៤ ក្នុងភូមិភាគនិរតី រួមមាន ខេត្តកំពត ខេត្តកែប ខេត្តតាកែវ និងខេត្តព្រះសីហនុ។ ជាមួយគ្នានោះដែរ អង្គពិធីទាំងមូលក៏បានត្រៀមលក្ខណៈរួចរាល់ជាស្រេច ដើម្បីការអញ្ជើញដល់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការជំរឿន ដែលនឹងអញ្ជើញជាអធិបតីដ៏ខ្ពង់ខ្ពស់ ក្នុងពិធីបើកយុទ្ធនាការរួមគ្នានាព្រឹកនេះ។