英国印太地区部长访柬 关注柬泰边境局势与教育援助

BREAKING — រដ្ឋមន្ត្រីទទួលបន្ទុកតំបន់ឥណ្ឌូ-ប៉ាស៊ីហ្វិក នៃព្រីតថេន (ចក្រភពអង់គ្លេស) នឹងចុះទៅមើលព្រំដែនកម្ពុជា-ថៃ ដើម្បីជំរុញឱ្យមានកិច្ចសន្ទនាដោយសន្តិវិធី .. លោកស្រី Rosie Winterton រដ្ឋមន្ត្រីទទួលបន្ទុកតំបន់ឥណ្ឌូ-ប៉ាស៊ីហ្វិក នៃព្រីតថេន នៅថ្ងៃទី២៥ សីហានេះ បានអញ្ជើញមក បំពេញទស្សនកិច្ចលើកដំបូងនៅកម្ពុជា ហើយក្នុងអំឡុងទស្សនកិច្ចនេះ លោកស្រីរដ្ឋមន្ត្រី នឹងធ្វើដំណើរទៅកាន់ខេត្តសៀមរាប និងឧត្តរមានជ័យ ដើម្បីបានឃើញដោយផ្ទាល់ស្ថានភាពពលរដ្ឋកម្ពុជានៅតាមព្រំដែន និងពីរបៀបដែលព្រីតថេនអាចគាំទ្រ ជួយកុមារដែលរងផលប៉ះពាល់ដោយជម្លោះថ្មីៗរវាងថៃ និងកម្ពុជា ឱ្យបន្តការសិក្សា និងកសាងជីវិតឡើងវិញ ព្រមទាំងអំពាវនាវឱ្យមានកិច្ចសន្ទនាដោយសន្តិវិធី។ នេះបើយោងតាមសេចក្តីប្រកាសព័ត៌មានដែល ស៊ីស៊ីថាមស៍ ទទួលបានពីស្ថានទូតព្រីតថេន (ចក្រភពអង់គ្លេស) ។