中非共和国金矿坍塌事故致百余人遇难

បាក់អណ្តូងរ៉ែមាស នៅអាហ្រ្វិកកណ្តាលបណ្តាលឱ្យមនុស្សជាង ១០០នាក់ ត្រូវបានកប់ទាំងរស់ មនុស្សជាង ១០០ នាក់បានស្លាប់ បន្ទាប់ពីអណ្តូងរ៉ែមាសសិប្បកម្មមួយនៅភូមិតូចមួយនៅភាគខាងលិចសាធារណរដ្ឋអាហ្វ្រិកកណ្តាល (CAR) បានដួលរលំដោយសារតែការរអិលបាក់ដី អាជ្ញាធរក្នុងតំបន់បានបញ្ជាក់ថាការរអិលបាក់ដីនេះបានកើតឡើងនៅរសៀលថ្ងៃអង្គារនៅក្នុងភូមិ Zamboye ចម្ងាយប្រហែល ៥០ គីឡូម៉ែត្រ ពីទីក្រុង Baboua និងនៅជិតព្រំដែនប្រទេសកាមេរូន។ វីដេអូនៅលើប្រព័ន្ធផ្សព្វផ្សាយសង្គមបានបង្ហាញពីការរអិលបាក់ដីខ្សាច់ធ្លាក់មកលើក្រុមមនុស្ស ដែលជាអ្នករុករករ៉ែ ហើយបានកប់ពួកគេ។ បើតាមការអាជ្ញាធរក្នុងតំបន់គិតត្រឹមព្រឹកថ្ងៃ ព្រហស្បតិ៍ នេះមនុស្សជាច្រើនទៀតនៅតែបន្តជាប់នៅក្រោមគំនរដីដែលបានធ្លាក់ពីខាងលើមក ដោយមានសាកសពជាង ១០០ នាក់ត្រូវបានរកឃើញពីការបាក់រលំ ហេតុការណ៍នេះអាចបណ្តាលមកពីការដួលរលំនៃផ្លូវរូងក្រោមដីជាច្រើនដែលអ្នករុករករ៉ែកំពុងដំណើរការធ្វើការជីកយករ៉ែ។