司法部修订律师法草案 旨在提升法律服务专业化水平

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំដើម្បីពិនិត្យ និងពិភាក្សាលើសេចក្តីព្រាងច្បាប់ស្តីពីវិសោធនកម្មច្បាប់ស្តីពីលក្ខន្តិកៈមេធាវី ==================== ទីស្តីការក្រសួងយុត្តិធម៌៖ នៅថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ នេះ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញដឹកនាំកិច្ចប្រជុំដើម្បីពិនិត្យ និងពិភាក្សាលើសេចក្តីព្រាងច្បាប់ស្តីពីវិសោធនកម្មច្បាប់ស្តីពីលក្ខន្តិកៈមេធាវី។ កិច្ចប្រជុំនេះមានការអញ្ជើញចូលរួមពីសំណាក់តំណាងក្រសួងពាណិជ្ជកម្ម ទីស្តីការគណៈរដ្ឋមន្រ្តី ក្រុមប្រឹក្សាអ្នកច្បាប់ និងគណៈមេធាវីនៃព្រះរាជាណាចក្រមកម្ពុជា។ ការរៀបចំសេចក្តីព្រាងច្បាប់ស្តីពីវិសោធនកម្មច្បាប់ស្តីពីលក្ខន្តិកៈមេធាវីនេះ មានគោលដៅពិនិត្យឡើងវិញលើអនុលោមភាពនៃបទប្បញ្ញត្តិនៃច្បាប់ស្តីពីលក្ខន្តិកៈជាមួយនឹងការអនុវត្តកាតព្វកិច្ចរបស់កម្ពុជាក្រោមកិច្ចព្រមព្រៀងអង្គការពាណិជ្ជកម្មពិភពលោក, ការដោះស្រាយបញ្ហាប្រឈមនានាក្នុងការអនុវត្តវិជ្ជាជីវៈមេធាវី និងភាពខ្វះចន្លោះ ឬមិនច្បាស់លាស់ដែលទាមទារឱ្យមានការធ្វើវិសោធនកម្ម ដើម្បីលើកកម្ពស់វិជ្ជាជីវៈមេធាវី ក៏ដូចជាប្រសិទ្ធភាពនៃការអនុវត្តច្បាប់នេះ។