柬埔寨政府启动UNCLOS机制 寻求和平解决泰柬海域争议

យើងខ្ញុំជាថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ សូមគាំទ្រយ៉ាងពេញទំហឹង ចំពោះការសម្រេចចិត្តដ៏ត្រឹមត្រូវ ប្រកបដោយការទទួលខុសត្រូវ និងឈរលើគោលការណ៍ច្បាប់អន្តរជាតិរបស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត ក្នុងការប្រើប្រាស់យន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ UNCLOS ដើម្បីដោះស្រាយបញ្ហាទាមទារដែនសមុទ្រ ត្រួតស៊ីគ្នាជាមួយភាគីថៃ។ ការសម្រេចចិត្តនេះ គឺជាជម្រើសផ្លូវច្បាប់ដោយសន្តិវិធី ដែលសមស្របទៅនឹងគោលជំហរដ៏ខ្ជាប់ខ្ជួនរបស់កម្ពុជា ក្នុងការដោះស្រាយវិវាទជាមួយប្រទេសជិតខាង តាមរយៈការសន្ទនា កិច្ចសហប្រតិបត្តិការ ការគោរពគ្នាទៅវិញទៅមក និងការអនុលោមតាមច្បាប់អន្តរជាតិ។ យើងខ្ញុំជាថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ នឹងបន្តចូលរួមគាំទ្រ និងជឿជាក់លើការដឹកនាំ និងចំណាត់ការរបស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាណាចក្រកម្ពុជា ក្នុងការការពារបូរណភាពទឹកដី និងដែនអធិបតេយ្យ ជាតិ និងសិទ្ធិស្របច្បាប់របស់កម្ពុជា ដោយឈរលើគោលការណ៍ច្បាប់អន្តរជាតិ សន្តិវិធី និងកិច្ចសហប្រតិបត្តិការ។