LASED III项目启动 助力返乡劳工土地安置与经济扶持

គម្រោង LASED III បានរៀបចំកិច្ចប្រជុំពិនិត្យ និងសម្រេចកំណត់ទីតាំងដី ដើម្បីអនុវត្ត «កម្មវិធីសម្បទានដើម្បីសង្គម និងសេដ្ឋកិច្ចគាំទ្រដល់ពលករខ្មែរ ដែលមានអាយុចាប់ពី ៤០ឆ្នាំឡើង ត្រឡប់ពីប្រទេសថៃ» (LASED III-40) ក្រោមអធិបតីភាព ឯកឧត្តម សូខន ឫទ្ធីគុណ រដ្ឋលេខាធិការ និងជាប្រធានគណៈកម្មការដឹកនាំគម្រោង LASED III នៅសាលប្រជុំសាលាខេត្តបន្ទាយមានជ័យ។ កិច្ចប្រជុំបានពិភាក្សាលើនីតិវិធី និងវឌ្ឍនភាពកម្មវិធី ដោយរដ្ឋបាលខេត្តបានឯកភាពគាំទ្រការអនុវត្ត ដើម្បីជួយពលករក្រីក្រដែលត្រឡប់ពីប្រទេសថៃ បង្កើនប្រភពចំណូល កាត់បន្ថយភាពក្រីក្រ និងកែលម្អជីវភាពរស់នៅ។ កិច្ចប្រជុំនេះមានការចូលរួមពីថ្នាក់ដឹកនាំខេត្ត មន្ទីរ អាជ្ញាធរស្រុក និងក្រុមការងារពាក់ព័ន្ធ សរុប ៣៩ រូប ក្នុងនោះស្ត្រី ៤ រូប។ ១១ សីហា ២០២៦ #គោលនយោបាយសម្បទានដើម្បីសង្គមនិងរួមគ្នាអភិវឌ្ឍប្រកបដោយចីរភាព #សម្បទានសង្គមកិច្ច #សម្បទានសេដ្ឋកិច្ច #អភិវឌ្ឍសហគមន៍#ការបែងចែកដីធ្លី #ការបែងចែកផ្ទះសម្បែង #ការនាំចេញនៅហ្នឹងកន្លែង #ដំណាំពាណិជ្ជកម្ម #ដំណាំចាំបាច់ #សហគមន៍ភាព #ក្រសួងរៀបចំដែនដីនគរូបនីយកម្មនិងសំណង់ #MLMUPC [**Join MLMUPC News**](https://t.me/MLMUPCofCambodia) 🌐 [**Website**](https://mlmupc.gov.kh/)[ ](https://mlmupc.gov.kh/) 🌐 [**Facebook**](https://www.facebook.com/mlmupc.pressteam) 🌐 [**Youtube**](https://www.youtube.com/@MLMUPC_KH) 🌐 [**Tiktok**](https://www.tiktok.com/@mlmupc_kh)