外交部公务员选拔考试今日举行 66名专家参与命题

ព្រឹកនេះ អនុគណៈកម្មការតាក់តែងវិញ្ញាសា ៦៦នាក់ តាក់តែងវិញ្ញាសា សម្រាប់ការប្រឡងប្រជែង នៅពេលថ្ងៃត្រង់ តាំងពីព្រលឹមស្រាងៗ គណៈកម្មការ និងអនុគណៈកម្មការនានា បានមកដល់មណ្ឌលប្រឡងនៃសាលាភូមិន្ទរដ្ឋបាល ដើម្បីរៀបចំការប្រឡងប្រជែងជ្រើសរើសមន្ត្រីរាជការឱ្យចូលបម្រើការងារក្នុងក្របខ័ណ្ឌក្រសួងការបរទេស និងសហប្រតិបត្តិការអន្តរជាតិ តាមតួនាទីភារកិច្ចរៀងៗខ្លួន ប្រកបដោយការយកចិត្តទុកដាក់ និងការទទួលខុសត្រូវខ្ពស់ ស្របតាមគោលការណ៍ ដើម្បីឱ្យការប្រឡងប្រជែងប្រព្រឹត្តទៅបានរលូន និងប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ជូនទៅដល់ប្រជាពលរដ្ឋ និងបេក្ខជនទាំងអស់។ ស្របពេលជាមួយគ្នានេះ អនុគណៈកម្មការតាក់តែងវិញ្ញាសា ដែលជាសាស្ត្រាចារ្យ និងថា្នក់ដឹកនាំ សរុបចំនួន ៦៦នាក់ មកពីសាកលវិទ្យាល័យ គ្រឹះស្ថានសិក្សា និងក្រសួង ស្ថាប័នពាក់ព័ន្ធ កំពុងដំណើរការតាក់តែងវិញ្ញាសា ព្រមទាំងទទួលការណែនាំពី ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ លើនីតិវិធីនៃការតាក់តែងវិញ្ញាសា ដើម្បីដាក់ជាជម្រើសវិញ្ញាសា ជូនឯកឧត្តមឧបនាយករដ្ឋមន្ត្រី ប្រធានគណៈកម្មការរៀបចំការប្រឡងប្រជែង ជ្រើសរើស និងសម្រេច យកជាប្រធានវិញ្ញាសាសម្រាប់ការប្រឡងប្រជែងនៅពេលថ្ងៃត្រង់នេះ។ សូមបេក្ខជនដែលត្រូវចូលប្រឡងប្រជែងនាថ្ងៃត្រង់នេះ ត្រូវមកដល់មណ្ឌលប្រឡងមុន ១ម៉ោង (ម៉ោង ១១:០០នាទី) មុនចាប់ផ្តើមដំណើរការប្រឡង និងសូមជូនពរបេក្ខជនទាំងអស់ ទទួលបានលទ្ធផលជាទីគាប់ចិត្តរៀងៗខ្លួន។