磅清扬省文化局收缴多件木制文物 移交省博物馆保护

**មន្រ្តីជំនាញចុះពិនិត្យនិងប្រគល់ទទួលវត្ថុសិល្បៈ នៅស្រុកបរិបូណ៌ មករក្សាទុកជាសម្បត្តិវប្បធម៌របស់ជាតិ** **នៅថ្ងៃទី៨ ខែឧសភា ឆ្នាំ២០២៦ ដោយបានគោលការណ៍អនុញ្ញាតពីលោក ប៊ុនថន សុខាណារិទ្ធ ប្រធានមន្ទីរ លោក សិត ស អនុប្រធានមន្ទីរវប្បធម៌និងវិចិត្រសិល្ប:ខេត្តកំពង់ឆ្នាំង បានដឹកនាំមន្រ្តីការិយាល័យជំនាញ ចុះពិនិត្យ និងប្រគល់-ទទួលវត្ថុសិល្បៈ នៅក្នុងវត្តសិរីសួស្តី ដែលស្ថិតក្នុងភូមិសិរី ឃុំខុនរ៉ង និងវត្តវិហារហ្លួង ស្ថិតក្នុងភូមិផ្សារ ឃុំផ្សារ ស្រុកបរិបូណ៌ ខេត្តកំពង់ឆ្នាំង។ ការងារនេះ ក៏មានការអញ្ជើញចូលរួមសហការ ពីលោកអភិបាលរងស្រុកបរិបូណ៌ នគរបាលបេតិកភណ្ឌនៃស្នងការដ្ឋាននគរខេត្តកំពង់ឆ្នាំង ប្រធានការិយាល័យសង្គមកិច្ចនិងសុខមាលភាពសង្គមនៃស្រុកបរិបូណ៌ អាជ្ញាធរមូលដ្ឋាន ព្រះសង្ឃ និងអាចារ្យគណកម្មការវត្តទាំងពីរផងដែរ។ ** **ចំពោះវត្ថុសិល្បៈ ដែលព្រះសង្ឃនិងអាចារ្យគណៈកម្មការវត្តសិរីសួស្តី និងវត្តវហារហ្លួង បានប្រគល់-ទទួល មានដូចជា៖ ** **១.បដិមា ធ្វើពីឈើ (វត្តសិរិសួស្តី)** **២.បល្ល័ងព្រះពុទ្ធ ធ្វើពីឈើ (វត្តសិរីសួស្តី)** **៣.គ្រែទេស ធ្វើពីឈើ (វត្តសិរិសួស្តី)** **៤.គ្រែទេស ធ្វើពីឈើ (វត្តវិហារហ្លួង)។ សូមបញ្ជាក់ថាវត្ថុសិល្បៈខាងលើនេះ ក្រុមការងារជំនាញនឹងយកមកតម្កល់ទុកក្នុងសារមន្ទីរខេត្តកំពង់ឆ្នាំង ដើម្បីថែរក្សា ការពារនិងអភិរក្សទុកជាសម្បត្តិវប្បធម៌របស់ជាតិ៕ **—— Page [Troryorng News](https://www.facebook.com/share/p/1ZfrcPhPoZ/) Page [Troryorng TV](https://www.facebook.com/share/14DPeavcn1c/?mibextid=wwXIfr) Page [Troryorng សង្គម-កម្សាន្ត](https://www.facebook.com/share/1GLoG894TC/?mibextid=wwXIfr) Page [Troryorng Spots](https://www.facebook.com/share/19g1hx7oGe/?mibextid=wwXIfr) www.troryorng.com