国公省当局于9月15日深夜在蒙多西马县查获一批从泰国通过海路

សមត្ថកិច្ចខេត្តកោះកុង បង្ក្រាបករណីនាំចូលទំនិញខុសច្បាប់តាមផ្លូវសមុទ្រពីប្រទេសថៃ កងកម្លាំងសមត្ថកិច្ចជំនាញនៃខេត្តកោះកុង បានចុះប្រតិបត្តិការល្បាត និងបង្ក្រាបករណីលួចនាំចូលទំនិញខុសច្បាប់តាមច្រកផ្លូវសមុទ្រពីប្រទេសថៃ ចូលមកកាន់ដែនដីនៃស្រុកមណ្ឌលសីមា ខេត្តកោះកុង កាលពីវេលាយប់រំលងអធ្រាត្រ ថ្ងៃទី១៥ ខែកញ្ញា ឆ្នាំ២០២៦។ ក្នុងប្រតិបត្តិការបង្ក្រាបនេះ កម្លាំងសមត្ថកិច្ចបានឃាត់ចាប់ និងរឹបអូសនូវវត្ថុតាងទំនិញជាច្រើនមុខ រួមមាន៖ ស្បៀងអាហារ គ្រឿងទេស, អង្ករ, ប្រេងឆា, ទឹកស៊ីអ៊ីវ, ទឹកត្រី, ឆៃប៉ូវ, មីកញ្ចប់ ព្រមទាំងសម្ភារប្រើប្រាស់មួយចំនួនទៀត ដែលត្រូវបានគេវេចខ្ចប់ និងលួចលាក់ដឹកជញ្ជូនយ៉ាងត្រឹមត្រូវ ដើម្បីគេចវេះពីការពិនិត្យ និងបង់ពន្ធគយ។ បច្ចុប្បន្ន វត្ថុតាងទំនិញខុសច្បាប់ទាំងអស់ត្រូវបានកម្លាំងសមត្ថកិច្ចរឹបអូស និងប្រគល់ជូនផ្នែកជំនាញពាក់ព័ន្ធ ដើម្បីបន្តនីតិវិធីចាត់ការតាមផ្លូវច្បាប់ និងស្រាវជ្រាវស្វែងរកអ្នកពាក់ព័ន្ធមកទទួលខុសត្រូវ ស្របតាមបទបញ្ជាយ៉ាងម៉ឺងម៉ាត់ក្នុងការទប់ស្កាត់បទល្មើសគេចពន្ធ និងការនាំចូលទំនិញខុសច្បាប់តាមព្រំដែន៕ https://t.me/Neakhtepnews