柬泰边境争议持续 泰方坚持立场引发外交博弈

**ចំពោះមុខគណៈកម្មការផ្សះផ្សាថៃ​នៅតែអះអាងថាខ្លួនគោរពច្បាប់​អន្ដរជាតិ​ដោយ​​មិន​ព្រម​ទទួលស្គាល់​ការពិត!​** **============** នៅចំពោះមុខគណៈកម្មការផ្សះផ្សាលោក Sihasak Phuangketkeow រដ្ឋមន្ត្រីការបរទេសនិងជាតំណាងរបស់ថៃ ​នៅតែអះអាងថា ថៃបានគោរពច្បាប់អន្ដរជាតិមិនងាករេ ​និងគោរពសណ្ដាប់ធ្នាប់អន្ដរជាតិដោយផ្អែកលើច្បាប់​។ ទាក់ទងនឹងការលុបចោលអនុស្សរណៈនៃការយោគយល់គ្នាឆ្នាំ២០០១វិញ ថៃក៏នៅតែបញ្ជាក់ថាខ្លួនធ្វើត្រឹមត្រូវ និងចោទ​កម្ពុជា​ថាជាអ្នកធ្វើឱ្យថៃលុបចោលអនុស្សរណៈនេះ ហើយងាកមកជ្រើសយកយន្ដការផ្សះផ្សាយដោយបង្ខំ។ ​ថ្លែងក្នុងកិច្ចប្រជុំលើកទី១នៃគណៈកម្មការផ្សះផ្សានាព្រឹកថ្ងៃទី១៥ ខែកញ្ញា ឆ្នាំ២០២៦នេះ​ លោក Sihasak ​ថាយន្ដការផ្សះផ្សាដោយបង្ខំ អាចជាមធ្យោបាយមួយរកឃើញដំណោះស្រាយរវាងប្រទេសទាំងពីរ ប៉ុន្ដែ​វាក៏អាចនឹងមានផលប៉ះពាល់ដល់ទំនាក់ទំនងរវាងកម្ពុជា-ថៃ​ដែរ ព្រោះដំណើរការផ្សះផ្សានេះមិនមែនជាដំណើរការតាមផ្លូវទូត។ តំណាងរបស់ថៃរូបនេះបានសង្កត់ធ្ងន់​ថា យន្ដការផ្សះផ្សាដោយបង្ខំ​ដែលកម្ពុជាជ្រើសយកដើម្បីដោះស្រាយបញ្ហាព្រំដែនសមុទ្រ​ នឹងមិនពាក់ព័ន្ធអធិបតេយ្យភាព​ព្រំដែន​គោករួមទាំងកោះគុតនោះឡើយ។ **============** [🌐អានព័ត៌មាន](https://vayofm.com/news/detail/145418-771.html) [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)