洪玛尼出席实居省巴塞县图书馆落成仪式

[ឯកឧត្ដមឧបនាយករដ្ឋមន្ត្រី ហ៊ុន ម៉ានី អញ្ជើញសម្ពោធបណ្ណាល័យមរតកក្រមង៉ុយ ចំនួន២ទីតាំង ក្នុងស្រុកបសេដ្ឋ ខេត្តកំពង់ស្ពឺ](https://www.facebook.com/share/p/1991d8aHGh/) កំពង់ស្ពឺ៖ នាព្រឹកថ្ងៃទី២៣ ខែមិថុនា ឆ្នាំ២០២៦ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារ រាជរដ្ឋាភិបាលចុះមូលដ្ឋានខេត្តកំពង់ស្ពឺ អញ្ជើញជាអធិបតីដ៏ខ្ពង់ខ្ពស់ សម្ពោធបណ្ណាល័យមរតកក្រមង៉ុយ ចំនួន២ទីតាំង ដែលស្ថិតក្នុងស្រុកបសេដ្ឋ ខេត្តកំពង់ស្ពឺ។ ក្រោយបានស្តាប់ប្រសាសន៍របស់ ឯកឧត្ដមបណ្ឌិត ជាម ច័ន្ទសោភ័ណ្ឌ អភិបាល នៃគណៈអភិបាលខេត្តកំពង់ស្ពឺ ដែលបានរំលេចពីស្ថានភាពទូទៅ និងសក្ដានុពលខេត្ត ឯកឧត្ដមឧបនាយករដ្ឋមន្ត្រី បានសង្កត់ធ្ងន់លើសក្ដានុពល របស់ខេត្តកំពង់ស្ពឺ ក្នុងការបង្កើតនិងផ្ដល់ឱកាសការងារ ជូនដល់បងប្អូនប្រជាពលរដ្ឋ រាប់ទាំងវិស័យឧស្សាហកម្ម ក្នុងបរិបទបច្ចុប្បន្ន ការងារកសិកម្ម សេវាកម្ម និងទេសចរណ៍ដែលមានការផ្សារភ្ជាប់ ទៅនឹងប្រពៃណីទំនៀមទម្លាប់ របស់ប្រជាជននៅមូលដ្ឋាន។ ឯកឧត្តមឧបនាយករដ្ឋមន្ត្រី បានបង្ហាញក្តីសោមនស្សរីករាយក្រៃលែង ក្នុងការជួបសំណេះសំណាលជាមួយ ប្រជាពលរដ្ឋ និងសិស្សានុសិស្សក្នុងស្រុកបសេដ្ឋ ខេត្តកំពង់ស្ពឺជាថ្មីម្តងទៀត ដោយបាននាំយកការសាកសួរសុខទុក្ខ របស់សម្តេចមហាបវរធិបតី ហ៊ុន ម៉ណែត នាយករដ្ឋមន្ត្រី អមជាមួយសមិទ្ធផលថ្មីជាបណ្ណាល័យថ្មីទាំង២ ។ បន្ថែមលើការលើកឡើង លើសក្តានុពលនានារបស់ខេត្ត ឯកឧត្តមឧបនាយករដ្ឋមន្ត្រី បានបញ្ជាក់ពីការយកចិត្តទុកដាក់របស់រាជរដ្ឋាភិបាលលើការអភិវឌ្ឍមូលធនមនុស្សតាមរយៈវិស័យអប់រំ ក្នុងនោះរួមមានទាំងការដាក់ចេញបទដ្ឋានគតិយុត្តនានា ជាអាទិ៍មានដូចជាព្រះរាជក្រឹត្យស្តីពីលក្ខន្តិកៈ នៃអង្គគ្រូបង្រៀនដែលផ្តល់ជាគុណប្រយោជន៍យ៉ាងច្រើនដល់គ្រូបង្រៀន និងអង្គភាពអប់រំ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារដែលពោរពេញដោយសមត្ថភាពជាបន្តបន្ទាប់ និងសមិទ្ធផលថ្មីៗ ដូចអ្វីដែលយើងកំពុងរួមគ្នាដាក់សម្ពោធឱ្យប្រើប្រាស់ជាផ្លូវការនូវបណ្ណាល័យថ្មីចំនួន២ នាថ្ងៃនេះ។