中国广西防城港遭台风袭击 洪水深达1.1米救援进行中

**អាជ្ញាធរចិន កាលពីថ្ងៃអាទិត្យ បានរាយការណ៍ថា ឥទ្ធិពលនៃព្យុះទីហ្វុង ម៉ៃសាក់ (Maysak) បាននាំមកនូវរបបទឹកភ្លៀងយ៉ាងជោគជាំ បង្កជាទឹកជំនន់លិចលង់យ៉ាងធ្ងន់ធ្ងរនៅក្នុងក្រុងហ្វាងចិនហ្គាង (Fangchenggang) នៃតំបន់ស្វយ័តក្វាងស៊ី ច្វាង ភាគខាងត្បូងប្រទេសចិន ដោយកម្រិតទឹកជំនន់បានហក់ឡើងខ្ពស់រហូតដល់ ១.១ ម៉ែត្រ។ យោងតាមការចេញផ្សាយរបស់ប្រព័ន្ធផ្សព្វផ្សាយរដ្ឋចិន CCTV+ ជំនន់ទឹកភ្លៀងដ៏គំហុកនេះ បានលិចលង់ភូមិស៊ៀសានឡាង (Xiasanlang) និងភូមិហានថាង (Hantang) ក្នុងស្រុកហ្វាងចិន បណ្តាលឱ្យប្រជាពលរដ្ឋមួយចំនួនធំរងការជាប់គាំងដាច់ដោយឡែកពីគ្នា។** ** ** ដើម្បីឆ្លើយតបនឹងស្ថានភាពអាសន្ននេះ កងកម្លាំងនគរបាលប្រដាប់អាវុធក្វាងស៊ីសរុបចំនួន ៥៣ នាក់ នៃកងពលតូចក្រុងហ្វាងចិនហ្គាង បានពុះពារកាត់ទឹកជំនន់យ៉ាងខ្លាំងក្លា ដោយនាំយកឧបករណ៍សង្គ្រោះបោះពួយទៅកាន់តំបន់រងគ្រោះ ដើម្បីបើកប្រតិបត្តិការជួយសង្គ្រោះ និងផ្តល់ជំនួយបន្ទាន់ភ្លាមៗ។   នៅកន្លែងកើតហេតុ កងកម្លាំងសមត្ថកិច្ចបានបែងចែកជាក្រុមសង្គ្រោះតូចៗជាច្រើន ដើម្បីដើរស្វែងរកនិងជម្លៀសអ្នកភូមិដែលជាប់គាំងតាមផ្ទះមួយទៅផ្ទះមួយ ឆ្ពោះទៅកាន់ទីទួលសុវត្ថិភាព។