柬埔寨重申通过国际法解决泰柬海域争端

កម្ពុជានៅតែប្រកាន់ខ្ជាប់ជានិច្ចនូវជំហរដោះស្រាយវិវាទដោយសន្តិវិធី ដោយផ្អែកលើច្បាប់អន្តរជាតិ។ សេចក្តីសម្រេចកាលពីពេលថ្មីៗនេះរបស់កម្ពុជា ក្នុងការផ្តួចផ្តើមយន្តការផ្សះផ្សាដោយបង្ខំ (Compulsory Reconciliation) ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ដើម្បីដោះស្រាយបញ្ហាព្រំដែនសមុទ្រជាមួយប្រទេសថៃ គឺជាសក្ខីភាពបញ្ជាក់យ៉ាងច្បាស់អំពីបំណងប្រាថ្នាដ៏ស្មោះត្រង់របស់យើង ក្នុងការស្វែងរកដំណោះស្រាយមួយប្រកបដោយយុត្តិធម៌ និងយូរអង្វែង ដែលឈរលើមូលដ្ឋានច្បាប់អន្តរជាតិយ៉ាងរឹងមាំ។ ដំណោះស្រាយដោយសន្តិវិធី គឺជាផលប្រយោជន៍រួមរបស់កម្ពុជា ថៃ ហើយនឹងរួមចំណែកដល់សន្តិភាព និងស្ថិរភាពនៅក្នុងតំបន់។ ដំណោះស្រាយនេះនឹងការពារអធិបតេយ្យភាព ពង្រឹងទំនុកចិត្ត អភិវឌ្ឍធនធានថាមពល គាំទ្រការអភិវឌ្ឍ និងបង្កើតកាលានុវត្តភាពការងារថ្មីៗ មិនត្រឹមតែពេលបច្ចុប្បន្នទេ តែក៏សម្រាប់មនុស្សជំនាន់ក្រោយរបស់កម្ពុជា និងថៃដែរ។ ជម្លោះព្រំដែនរវាងប្រទេសកម្ពុជា និងប្រទេសថៃ មិនមែនត្រឹមតែជាបញ្ហាទ្វេភាគីទេ ប៉ុន្តែក៏ជាការព្រួយបារម្ភសកលជុំវិញការគោរពច្បាប់អន្តរជាតិ ធម្មនុញ្ញអង្គការសហប្រជាជាតិ រួមមានគោលការណ៍មិនរំលោភបំពានព្រំដែន និងធម្មនុញ្ញអាស៊ាន។ [**Join AMS One-minute**](https://t.me/ams1minute)