柬埔寨公务部筹备东盟公务合作会议 暹粒将举办多场高规格活动

អនុគណៈកម្មការឡូជីស្ទីក ពិធីការ និងបដិសណ្ឋារកិច្ច បានរៀបចំកិច្ចប្រជុំផ្ទៃក្នុងតាមដានវឌ្ឍនភាពការងារ ដើម្បីត្រៀមខ្លួនបំពេញការងារ ក្នុងកិច្ចប្រជុំសហប្រតិបត្តិការអាស៊ាននៅខេត្តសៀមរាបនាពេលខាងមុខនេះ លោកជំទាវ ឆាយ គឹមសុទ្ធី អនុរដ្ឋលេខាធិការក្រសួងមុខងារសាធារណៈ និងជាប្រធានក្រុមការងារអនុគណៈកម្មការឡូជីស្ទីក ពិធីការ និងបដិសណ្ឋារកិច្ច​ កាលពីថ្ងៃទី៣០ ខែមិថុនា ឆ្នាំ២០២៦ នៅសាលាភូមិន្ទរដ្ឋបាល បានដឹកនាំកិច្ចប្រជុំតាមដានវឌ្ឍនភាពការងារនៃអនុគណៈកម្មការ ឡូជីស្ទីក ពិធីការ និងបដិសណ្ឋារកិច្ច សម្រាប់ត្រៀមរៀបចំកិច្ចប្រជុំកិច្ចសហប្រតិបត្តិការ អាស៊ាន ស្តីពីកិច្ចការមុខងារសាធារណៈលើកទី២៣ កិច្ចប្រជុំសហប្រតិបត្តិការអាស៊ានបូកបី ស្តីពីកិច្ចការមុខងារសាធារណៈលើកទី៨ និងព្រឹត្តិការណ៍ពាក់ព័ន្ធ សម្រាប់ឆ្នាំ២០២៤-២០២៦ ដែលនឹងប្រព្រឹត្តទៅនៅ ខេត្តសៀមរាប នាពេលខាងមុខនេះ ដោយមានការអញ្ជើញចូលរួមពីមន្រ្តីជំនាញពិធីការ បដិសណ្ឋាកិច្ចនៃក្រសួងវប្បធម៌ និងវិចិត្រសិល្បៈ ក្រសួងការបរទេស និងសហប្រតិបត្តិការអន្តរជាតិ និងលោក លោកស្រី អនុប្រធាន សមាជិក និងសមាជិកានៃអនុគណៈកម្មការ សរុបចំនួន ២៥ រូប។ អង្គប្រជុំបានពិនិត្យពិភាក្សា ពិនិត្យទៅ១)លើទិដ្ឋភាពទូទៅនៃកិច្ចប្រជុំថ្នាក់ដឹកនាំមុខងារសាធារណៈ ២) ការបែងចែកតួនាទី និងភារកិច្ចក្រុមការងារ ៣) ការតាមដានវឌ្ឍនភាពការងារដែលត្រូវត្រៀមខ្លួន ព្រមទាំងការងារដែលត្រូវបំពេញកំឡុងពេល និងបញ្ចប់ដំណើរការកិច្ចប្រជុំ ៤) ការត្រៀមសហការ ចូលរួមជាមួយក្រុមការងារផ្សេងៗទៀត និង៥) ផ្សេងៗ។ ជាទីបញ្ចប់ លោកជំទាវប្រធានអនុគណៈកម្មការ បានផ្តាំផ្ញើក្រុមការងារ បន្តយកចិត្តទុកដាក់ តាមដាន នូវព័ត៌មានថ្មីៗជាប់ជាប្រចាំ ដើម្បីងាយស្រួលត្រៀមខ្លួនក្នុងការអនុវត្តការងារ ចូលរួមរៀបចំកិច្ចប្រជុំសហប្រតិបត្តិការអាស៊ានប្រមុខមុខងារសាធារណៈ នៅខេត្តសៀមរាបខាងមុខនេះ ប្រព្រឹត្តទៅដោយរលូន តាមការគ្រោងទុក៕