缅甸掸邦发生重大爆炸事故 造成46人死亡数百房屋损毁

**មនុស្ស៤៦នាក់បានស្លាប់នៅក្នុងការផ្ទុះដ៏ធំមួយ​នៅតំបន់កាន់កាប់ដោយក្រុមឧទ្ទាមមីយ៉ាន់ម៉ា** ============= មនុស្សយ៉ាងហោចណាស់៤៦នាក់បានស្លាប់និងជាច្រើនាក់ផ្សេងទៀតរងរបួស បន្ទាប់ពីការផ្ទុះដ៏ធំមួយបានកើត​ឡើង​នៅក្នុងភូមិនៃតំបន់ ដែលស្ថិតនៅក្រោមការគ្រប់គ្រង​របស់ក្រុមឧទ្ទាមនៅប្រទេសមីយ៉ាន់ម៉ា។ នេះបើតាមក្រុម​ជួយ​សង្គ្រោះបានប្រាប់សារព័ត៌មានBBC។ ក្រុមការងារ​ជួយ​សង្រ្គោះនៅភូមិKaung Tatនៃរដ្ឋShanក្បែរព្រំដែន​ប្រទេសចិនបាននិយាយថា កុមារចំនួន៦នាក់រួមទាំងក្មេង​តូចអាយុ១ឆ្នាំម្នាក់ ស្ថិតក្នុងចំណោមអ្នកស្លាប់។ ប្រភពបាន​បន្ថែមថា មនុស្សប្រហែល៧៤នាក់បានរងរបួស និងបញ្ជូន​ទៅ​ព្យា​បាលនៅមន្ទីរពេទ្យ។ ការផ្ទុះនេះត្រូវបានគេនិយាយថា បានបំផ្លាញផ្ទះ​ប្រហែល​២០០ខ្នងនៅក្នុងភូមិKaung Tat និង១០០ខ្នងទៀតនៅក្នុង​ភូមិPan Loneដែលនៅក្បែរនោះ។ បើតាមកងទ័ពរំដោះជាតិTa'ang(TNLA) ដែលគ្រប់គ្រង​តំបន់​នេះបាននិយាយថា គ្រឿងផ្ទុះដែលរក្សាទុកនៅ​ក្នុងឃ្លាំងស្តុកទុកសម្រាប់ប្រើប្រាស់ នៅក្នុងប្រតិបត្តិការ​រុករករ៉ែក្នុងស្រុកបានឆេះ ហើយបណ្តាលឱ្យមានការ​ផ្ទុះនេះកើតឡើង។ ============= [🌐អានព័ត៌មាន ](https://vayofm.com/news/detail/144042-480.html) [**👉Facebook**](https://www.facebook.com/vayofm)[** 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)