洪森宣布孙辈将带头履行兵役义务 18至25岁公民适用

ចៅៗរបស់សម្តេច ហ៊ុន សែន ត្រៀមអនុវត្ត«កាតព្វកិច្ចយោធា»ដោយគ្មានការលេីកលែង .. សម្តេច ហ៊ុន សែន ប្រមុខរដ្ឋស្តីនៅថ្ងៃទី ២៧ ឧសភានេះ បានប្រកាសត្រៀមបញ្ជូនចៅៗរបស់សម្តេច ដើម្បីការអនុវត្តច្បាប់«កាតព្វកិច្ចយោធោ»។ការប្រកាសនេះ ធ្វើឡើងក្នុងពេលសម្តេចជួប​សំណេះ​​សំណាល​ជាមួយ​ក្រុម​ប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គ​ភាពនានា​ជុំវិញ​ខេត្តកំពង់ឆ្នាំង។ បើតាមលោក ជា ធីរិទ្ធ អ្នកនាំពាក្យសម្តេច ហ៊ុន សែន បានថ្លែងពីសារសម្តេចក្នុងវេទិកាថា ការអនុវត្តច្បាប់«កាតព្វកិច្ចយោធោ» គឺធ្វើឡើងដោយស្មើភាពគ្នា ហើយចៅៗរបស់លោកបានត្រៀមអនុវត្តដោយគ្មានការលើកលែង។ គួរបញ្ជាក់ថា ច្បាប់ស្ដីពី«កាតព្វកិច្ចយោធា»ដែលមាន ៨ជំពូក និង ២០មាត្រា ត្រូវបានប្រមុខរដ្ឋស្ដីទីកម្ពុជា សម្ដេច ហ៊ុន សែន កាលពីថ្ងៃទី ២៣ ឧសភា ឆ្នាំ២០២៦ ចេញព្រះរាជក្រមដាក់ឲ្យប្រើប្រាស់ជាផ្លូវការ។ ច្បាប់ស្តីពី «កាតព្វកិច្ចយោធា» មានវិសាលភាពអនុវត្តលើ ប្រជាពលរដ្ឋខ្មែរគ្រប់រូប ចាប់ពីអាយុ ១៨ ឆ្នាំ ដល់ ២៥ ឆ្នាំ ត្រូវតែបំពេញកាតព្វកិច្ចយោធា លើកលែងតែស្ត្រី គឺផ្អែកទៅតាមការស្ម័គ្រចិត្ត។