三穆基杰县政府推进土地确权 覆盖三乡镇

​រដ្ឋបាលស្រុកសាមគ្គីមុនីជ័យ បន្តយុទ្ធនាការចុះពិនិត្យ និងតាមដានការផ្តល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ ក្នុងឃុំគោលដៅចំនួនបី ​នាព្រឹកថ្ងៃ អាទិត្យ ៤រោច ខែទុតិយសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០២ ខែសីហា ឆ្នាំ២០២៦ លោក មួង ធី អភិបាល នៃគណៈអភិបាលស្រុកសាមគ្គីមុនីជ័យ បានដឹកនាំក្រុមការងារចុះពិនិត្យដោយផ្ទាល់ នូវដំណើរការអនុវត្តយុទ្ធនាការដោះស្រាយ និងតាមដានការផ្ដល់វិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ជូនប្រជាពលរដ្ឋ ក្នុងក្របខ័ណ្ឌនៃការចុះបញ្ជីដីធ្លីមានលក្ខណៈជាប្រព័ន្ធ។ ​ក្នុងបេសកកម្មនេះ ក៏មានការអញ្ជើញចូលរួមអមដំណើរពីសំណាក់ លោក កុយ រ៉ាគ្រី ប្រធានក្រុមប្រឹក្សាស្រុក លោក ភួង សោភ័ណ អភិបាលរងស្រុក និងលោក លី សែន ប្រធានការិយាល័យភូមិបាលស្រុក ព្រមទាំងមន្ត្រីពាក់ព័ន្ធមួយចំនួនទៀត ដោយបានចុះពិនិត្យដល់ទីតាំងភូមិសាស្ត្រគោលដៅចំនួនបី រួមមាន៖ ឃុំពាំងល្វា ឃុំជើងរាស់ និងឃុំមានជ័យ។ ​ការចុះមូលដ្ឋាននេះ ធ្វើឡើងក្នុងគោលបំណងជំរុញ និងពន្លឿនការផ្តល់សេវាគតិយុត្តផ្នែកដីធ្លីជូនប្រជាពលរដ្ឋឱ្យបានលឿនរហ័ស តម្លាភាព និងមានប្រសិទ្ធភាពខ្ពស់ សំដៅធានានូវសិទ្ធិស្របច្បាប់ កាត់បន្ថយទំនាស់ដីធ្លី ព្រមទាំងលើកកម្ពស់ជីវភាពរស់នៅរបស់បងប្អូនប្រជាពលរដ្ឋក្នុងមូលដ្ឋានស្រុកសាមគ្គីមុនីជ័យទាំងមូល។