柬埔寨卫生部启动社区健康论坛 重点预防非传染性疾病

[来源: 柬埔寨国家电视台] [分类提示: NEWS] 标题: ក្រសួងសុខាភិបាល បើកវេទិកាថ្នាក់ជាតិ ដើម្បីលើកកម្ពស់សុខភាពសហគមន៍ សម្រាប់ការបង្ការជំងឺមិនឆ្លង (PATH) (ភ្នំពេញ)៖ អង្គការអាដ្រាកម្ពុជា (ADRA Cambodia) ក្រោមការសហការ ជាមួយនាយកដ្ឋានការពារសុខភាព នៃក្រសួងសុខាភិបាល នៅថ្ងៃទី១៦ ខែមិថុនា ឆ្នាំ២០២៦នេះ បានរៀបចំវេទិកាជាតិ ស្តីពី គម្រោងវិថីឆ្ពោះទៅកាន់សុខភាពល្អប្រសើរ (PATH) ក្រោមប្រធានបទ «សហគមន៍ប្រកបដោយសុខមាលភាពនាំមកនូវចីរភាព»។វេទិកានេះ បានរៀបចំបើក ក្រោមអធិបតីភាព ឯកឧត្តមវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល នៃក្រសួងសុខាភិបាល តំណាងឯកឧត្តមសាស្ដ្រាចារ្យ ឈាង រ៉ា រដ្ឋមន្ដ្រីក្រសួងភិបាល។ វេទិកានេះ មានការគាំទ្រពីរាជរដ្ឋាភិបាលអូស្ត្រាលី តាមរយៈកម្មវិធីសហប្រតិបត្តិការ អង្គការក្រៅរដ្ឋាភិបាលអូស្ត្រាលី (ANCP)និងមានការចូលរួមពីតំណាងស្ថានទូតអូស្ត្រាលី រួមទាំងទីភ្នាក់ងារអង្គការសហប្រជាជាតិ ដៃគូអភិវឌ្ឍន៍ អង្គការសង្គមស៊ីវិល សាកលវិទ្យាល័យ មន្ទីរសុខាភិបាលខេត្ត ការិយាល័យ ស្រុកប្រតិបត្តិ អាជ្ញាធរមូលដ្ឋាន តំណាងសហគមន៍ និងសមាជិកក្រុមវិថីឆ្ពោះទៅកាន់សុខភាពល្អ ប្រសើរ (B2B)។ ថ្លែងក្នុងឳកាសនោះឯកឧត្តមវេជ្ជបណ្ឌិត ហុក គឹមចេង ក្នុងនាមឯកឧត្តមរដ្ឋមន្ត្ត្រីបានអោយដឹងថា ប្រទេសកម្ពុជា បាននិងកំពុងឆ្លងកាត់ការផ្លាស់ប្តូរប្រជាសាស្ត្រ និងរោគសាស្ត្រ ក្នុងរយៈពេល៣០ឆ្នាំកន្លងមកនេះ ខណៈដែលប្រទេសនេះ បានរួចផុតពីសង្គ្រាម និងជម្លោះផ្ទៃក្នុងជាច្រើនឆ្នាំ។ វឌ្ឍនភាព ជាប់ជាលំដាប់ បានធ្វើឲ្យភាពក្រីក្រត្រូវបានកាត់បន្ថយ និងសុខភាពប្រសើរឡើង។ ឯកឧត្តមវេជ្ជបណ្ឌិត ហុក គឹមចេង បានបន្ដថា ទោះបីជាមានប្រជាជនកម្ពុជា ចំនួន៨០% រស់នៅក្នុងតំបន់ជនបទក៏ដោយ ក៏មានការកាត់បន្ថយអត្រាមរណភាពមាតា និងទារកយ៉ាងច្រើន ព្រមទាំងវឌ្ឍនភាពជាប់ជាលំដាប់ ក៏ត្រូវបានបង្កើតឡើង ក្នុងការកាត់បន្ថយការស្លាប់ដោយសារជំងឺឆ្លង។ ជាមួយគ្នានេះ