西港政府推广3Rs垃圾处理原则 提升城市环境质量

[来源: 柬埔寨国家电视台] [分类提示: NEWS] 标题: រដ្ឋបាលខេត្តព្រះសីហនុ អំពាវនាវដល់បងប្អូនប្រជាពលរដ្ឋ និងអាជីវករទាំងអស់ បន្តចូលរួមសហការអនុវត្តគោលការណ៍ 3Rs ដើម្បីទីក្រុងស្អាត និងមានផាសុកភាព នាថ្ងៃទី២០ ខែសីហា ឆ្នាំ២០២៦ លោកឡុង ឌីម៉ង់ អភិបាលរងខេត្តព្រះសីហនុ បានអញ្ជើញចូលរួមជាមួយគណៈប្រតិភូ ចុះអង្កេត និងពិនិត្យមើលស្ថានភាពជាក់ស្តែងនៅទីលានទុកដាក់សំរាមអូរតាសេក។ ការអញ្ជើញចុះពិនិត្យនេះ ធ្វើឡើងក្នុងគោលបំណងវាយតម្លៃស្ថានភាពទូទៅ ផ្តល់យោបល់កែលម្អ និងតាមដានវឌ្ឍនភាពនៃការងារគ្រប់គ្រងសំរាម សំណល់រឹង និងសំណល់ប្លាស្ទិក ឱ្យស្របតាមស្តង់ដារបច្ចេកទេស។ សកម្មភាពនេះ គឺជាការអនុវត្តយ៉ាងខ្ជាប់ខ្ជួនស្របតាមស្មារតីនៃ អនុក្រឹត្យលេខ ១១៣ ស្តីពីការគ្រប់គ្រងសំរាម សំណល់រឹងទីប្រជុំជន និង គោលនយោបាយស្តីពីការគ្រប់គ្រងសំរាម សំណល់រឹងទីប្រជុំជន ដែលបានកំណត់គោលដៅក្នុងការធ្វើឱ្យប្រសើរឡើងនូវការគ្រប់គ្រងសំរាម ការអភិវឌ្ឍទីប្រជុំជនប្រកបដោយសោភណភាព ចីរភាព និងសុខុមាលភាព។ ទន្ទឹមនឹងការចុះពិនិត្យនេះ រដ្ឋបាលខេត្តព្រះសីហនុ តែងតែយកចិត្តទុកដាក់ស្វែងរកដំណោះស្រាយទំនើបៗ និងបច្ចេកវិទ្យាថ្មីៗ ដើម្បីឆ្លើយតបនឹងកំណើនកាកសំណល់ប្រចាំថ្ងៃ ជាក់ស្តែងក្នុងថ្ងៃដដែលនេះ រដ្ឋបាលខេត្តក៏បានជួបពិភាក្សាជាមួយក្រុមហ៊ុនអន្តរជាតិ (MIZUDA Group) លើគម្រោងអភិវឌ្ឍន៍ការកែច្នៃសំរាមបំប្លែងជាថាមពលអគ្គិសនីផងដែរ។ រដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋ និងអាជីវករទាំងអស់ បន្តចូលរួមសហការអនុវត្តគោលការណ៍ 3Rs (កាត់បន្ថយ ប្រើប្រាស់ឡើងវិញ និងកែច្នៃឡើងវិញ) ដើម្បីទីក្រុងយើងកាន់តែមានភាពស្អាត និងមានផាសុកភាព។ ប្រភព៖ រដ្ឋបាលខេត្តព្រះសីហនុ 作者: TVK Sothun 分类: ព័ត៌មានជាតិ