475名印尼籍人员因非法务工被捕 正等待遣返

ជនជាតិឥណ្ឌូនេស៊ី ៤៧៥នាក់ ដែលត្រូវឃាត់ខ្លួននៅកម្ពុជា ស្នើសុំរដ្ឋាភិបាលរបស់ខ្លួន ដើម្បីវិលត្រឡប់ទៅប្រទេសកំណើតវិញ (Video inside) (ភ្នំពេញ)៖ ជនជាតិឥណ្ឌូនេស៊ីប្រមាណ ៤៧៥នាក់ (ស្រី៤៨នាក់) ដែលត្រូវបានឃាត់ខ្លួននៅកម្ពុជា ករណីលើសទិដ្ឋាការ ធ្វើការ រស់នៅខុសច្បាប់ និងខ្លះពាក់ព័ន្ធបទល្មើស Online Scams បានស្នើសុំរដ្ឋាភិបាលរបស់ពួកគេ ដើម្បីអាចវិលត្រឡប់ទៅប្រទេសកំណើតវិញ។ ជនជាតិឥណ្ឌូនេស៊ីទាំងនេះ កំពុងស្នាក់នៅកន្លែងរក្សាទុកទំនិញ (cargo) នៃអាកាសយានដ្ឋានអន្តរជាតិភ្នំពេញ (ពោធិ៍ចិនតុង) ដោយរង់ចាំជំនួយពីស្ថានទូតឥណ្ឌូនេស៊ីប្រចាំកម្ពុជា។ ក្រោយការឃាត់ខ្លួននៅតាមគោលដៅមួយចំនួន, ជនជាតិឥណ្ឌូនេស៊ីទាំងនេះ ត្រូវបានបញ្ជូនមកកាន់ទីតាំងស្នាក់នៅបណ្ដោះអាសន្ននៅអាកាសយានដ្ឋាន ដែលពួកគេជាច្រើននាក់មិនមានលិខិតឆ្លងដែន ឬខ្វះលទ្ធភាពទិញសំបុត្រ យន្តហោះត្រឡប់ទៅវិញ ដែលធ្វើឱ្យពួកគេជួបការលំបាកយ៉ាងខ្លាំង។ ជនជាតិឥណ្ឌូនេស៊ីទាំងនេះ បានទទូចស្នើសុំទៅកាន់រដ្ឋាភិបាលឥណ្ឌូនេស៊ី ជាពិសេសស្ថានទូតឥណ្ឌូនេស៊ីប្រចាំនៅកម្ពុជា ឱ្យជួយអន្តរាគមន៍សម្រួលឯកសារធ្វើដំណើរ និងផ្ដល់ជំនួយផ្នែកសំបុត្រយន្តហោះ ដើម្បីឱ្យពួកគេអាច វិលត្រឡប់ទៅប្រទេសកំណើតវិញបានឆាប់រហ័ស៕