柬埔寨商务部会见日本商会 19家日企随团

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អនុញ្ញាតជូនឯកឧត្តម តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា (JCA) និងជាអតីតឯកអគ្គរាជទូតជប៉ុនប្រចាំកម្ពុជា ព្រមទាំងគណៈប្រតិភូ ចូលជួបសម្តែងការគួរសម និងពិភាក្សាការងារ … (ភ្នំពេញ)៖ នាព្រឹកថ្ងៃពុធ ទី១១ ខែវិច្ឆិកា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូនឯកឧត្តម តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា (JCA) និងជាអតីតឯកអគ្គរាជទូតជប៉ុនប្រចាំកម្ពុជា ព្រមទាំងតំណាងក្រុមហ៊ុនជប៉ុនចំនួន ១៩ ចូលជួបសម្តែងការគួរសម និងពិភាក្សាការងារ។ ជាកិច្ចចាប់ផ្តើម លោកជំទាវរដ្ឋមន្ត្រីបានស្វាគមន៍យ៉ាងកក់ក្តៅចំពោះឯកឧត្តមប្រធានសមាគម និងគណៈប្រតិភូ ព្រមទាំងបានវាយតម្លៃខ្ពស់ចំពោះកិច្ចសហប្រតិបត្តិការសេដ្ឋកិច្ច-ពាណិជ្ជកម្មរវាងកម្ពុជា-ជប៉ុន និងការរីកចម្រើននៃទំហំពាណិជ្ជកម្មទ្វេភាគីដែលមានភាពរឹងមាំ និងកំណើនល្អប្រសើរ។ នាកិច្ចជំនួបនោះ លោក KATO Kazunori នាយកប្រតិបត្តិនៃសមាគមជប៉ុន-កម្ពុជា និងជាប្រធានក្រុមហ៊ុន Aric Co., Ltd. បានធ្វើបទបង្ហាញគោរពរាយការណ៍ជូនអំពីវឌ្ឍនភាពនៃការអនុវត្តយុទ្ធសាស្ត្រធុរកិច្ចឆ្នាំ២០២៦ និងផែនការយុទ្ធសាស្ត្រឆ្នាំ២០២៧ រួមទាំងគំនិតផ្តួចផ្តើមសំខាន់ៗក្នុងការជំរុញការកែច្នៃផលិតផលកសិកម្មនៅតំបន់សេដ្ឋកិច្ចពិសេសរបស់សហគ្រាសធុនតូច និងមធ្យមជប៉ុន និងការធ្វើទីផ្សារឌីជីថលសម្រាប់ម៉ាកយីហោជប៉ុន ដែលផលិត និងប្រើប្រាស់វត្ថុធាតុដើមនៅកម្ពុជា និងយុទ្ធសាស្ត្រក្នុងការផ្សព្វផ្សាយផលិតផលជប៉ុនផលិតនៅកម្ពុជា ជាដើម។ ជាកិច្ចឆ្លើយតប លោកជំទាវរដ្ឋមន្ត្រីបានវាយតម្លៃខ្ពស់ និងស្វាគមន៍នូវគំនិតផ្តួចផ្តើមរបស់សមាគមជប៉ុន-កម្ពុជា និងបានជម្រាបជូនអំពីកិច្ចខិតខំរបស់រាជរដ្ឋាភិបាល ជាពិសេស ក្រសួងពាណិជ្ជកម្មក្នុងនាមសេនាធិការរាជរដ្ឋាភិបាល ក្នុងការបន្តលើកកម្ពស់ និងធ្វើឱ្យប្រសើរឡើងនូវបរិយាកាសធុរកិច្ច កិច្ចសម្រួលពាណិជ្ជកម្ម និងការបន្តធ្វើសាមញ្ញកម្ម និងទំនើបកម្មការផ្តល់សេវាសាធារណៈក្រោមសមត្ថកិច្ចក្រសួង។ លោកជំទាវរដ្ឋមន្ត្រីបានថ្លែងអំណរគុណចំពោះសមាគមជប៉ុន-កម្ពុជា ដែលផ្តល់ជំនឿទុកចិត្តមកលើរាជរដ្ឋាភិបាលកម្ពុជា និងបានចូលរួមជួយទាក់ទាញ និងកៀរគរក្រុមហ៊ុន សហគ្រាស ធុរកិច្ចជប៉ុន មកបណ្តាក់ទុន ប្រកបអាជីវកម្ម ធុរកិច្ច និងវិនិយោគនៅកម្ពុជា។ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))