柬埔寨国家银行IBS学院招收270名学生 10月开学

ស្វាគមន៍ឆ្នាំសិក្សាថ្មី! IBS នឹងប្រឡងជ្រើសរើសនិស្សិត សិក្សាជំនាញគ្រប់គ្រងធនាគារ និងសេដ្ឋកិច្ច ភ្នំពេញ៖ វិទ្យាស្ថានសិក្សាបច្ចេកទេសធនាគារ (IBS) នៃធនាគារជាតិនៃកម្ពុជា ប្រកាសរៀបចំការប្រឡងជ្រើសរើសសិស្ស និស្សិត និងបុគ្គលិកធនាគារជាតិនៃកម្ពុជា ចំនួន២៧០រូប សិក្សាជំនាញគ្រប់គ្រងធនាគារ និងជំនាញសេដ្ឋកិច្ច សម្រាប់ឆ្នាំសិក្សា ២០២៦-២០២៧។ ឆ្នាំសិក្សាថ្មី នឹងចាប់ផ្តើមនៅថ្ងៃទី២៦ ខែតុលា ឆ្នាំ២០២៦។ IBS គឺជាវិទ្យាស្ថានសិក្សាបច្ចេកទេសធនាគារ ដែលផ្តោតលើការបណ្តុះបណ្តាលធនធានមនុស្សក្នុងវិស័យធនាគារ សេដ្ឋកិច្ច និងហិរញ្ញវត្ថុ។ ចំពោះលក្ខខណ្ឌចុះឈ្មោះ បេក្ខជនជាសិស្ស និងនិស្សិត ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។ ចំណែកបុគ្គលិកធនាគារជាតិនៃកម្ពុជា ត្រូវមានបទពិសោធការងារយ៉ាងតិច២ឆ្នាំ។ បេក្ខជន អាចដាក់ប្រឡងបានចាប់ពីថ្ងៃប្រកាសនេះ រហូត ដល់ម៉ោង៥ល្ងាច ថ្ងៃទី១៨ ខែកញ្ញា ឆ្នាំ២០២៦។ រីឯការបិទឈ្មោះបេក្ខជនប្រឡង នឹងធ្វើនៅថ្ងៃទី២៣ ខែកញ្ញា ឆ្នាំ២០២៦។ ការប្រឡងជ្រើសរើសនិស្សិត នឹងប្រព្រឹត្តទៅនៅ ថ្ងៃចន្ទ ទី២៨ ខែកញ្ញា ឆ្នាំ២០២៦ នៅវិទ្យាស្ថានសិក្សាបច្ចេកទេសធនាគារ។ ការចុះឈ្មោះប្រឡងត្រូវធ្វើតាមរយៈតំណភ្ជាប់ https://ibs.edu.kh/admission