司法部代表副总理慰问安保及清洁人员 迎接亡人节

ឯកឧត្តម អ៊ួង សុភារិន្ទ តំណាងដ៏ខ្ពង់ខ្ពស់ឯកឧត្តមឧបនាយករដ្ឋមន្ត្រី កើត រិទ្ធ នាំយកប្រាក់ឧបត្ថម្ភប្រគល់ជូនកងកម្លាំង និងបុគ្គលិកសម្អាត ក្នុងឱកាសពិធីបុណ្យភ្ជុំបិណ្ឌ ================= ទីស្តីការក្រសួងយុត្តិធម៌៖ នៅ ល្ងាចថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦ ឯកឧត្តម អ៊ួង សុភារិន្ទ រដ្ឋលេខាធិការក្រសួងយុត្តិធម៌ និងជាតំណាងដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញជួបសំណេះសំណាល និងនាំយកប្រាក់ឧបត្ថម្ភប្រគល់ជូនកងកម្លាំងរក្សាសន្តិសុខ សណ្តាប់ធ្នាប់ និងបុគ្គលិកសម្អាតប្រចាំទីស្តីការក្រសួងយុត្តិធម៌ ក្នុងឱកាសពិធីបុណ្យភ្ជុំបិណ្ឌ។ ក្នុងឱកាសនោះ ឯកឧត្តម អ៊ួង សុភារិន្ទ បាននាំយកនូវការសួរសុខទុក្ខ និងប្រសាសន៍ផ្តាំផ្ញើប្រកបដោយមនោសញ្ចេតនាដ៏ជ្រាលជ្រៅរបស់ ឯកឧត្តមឧបនាយករដ្ឋមន្ត្រី កើត រិទ្ធ ជូនដល់កងកម្លាំង និងបុគ្គលិកសម្អាតទាំងអស់ ព្រមទាំងបានថ្លែងអំណរគុណ និងវាយតម្លៃខ្ពស់ចំពោះការខិតខំប្រឹងប្រែង ប្រកបដោយស្មារតីទទួលខុសត្រូវ ដែលបានរួមចំណែកយ៉ាងសកម្មក្នុងការថែរក្សាសន្តិសុខ សណ្តាប់ធ្នាប់ អនាម័យ បរិស្ថាន និងសោភ័ណភាពនៅក្នុងបរិវេណទីស្តីការក្រសួងយុត្តិធម៌នាពេលកន្លងមក។ ជាមួយគ្នានេះ ឯកឧត្តមក៏បានជូនពរដល់កងកម្លាំង និងបុគ្គលិកសម្អាតទាំងអស់ ព្រមទាំងក្រុមគ្រួសារ សូមមានសុខភាពល្អ សុភមង្គល និងធ្វើដំណើរទៅកាន់ស្រុកកំណើត ដើម្បីជួបជុំក្រុមគ្រួសារ និងចូលរួមប្រារព្ធពិធីបុណ្យភ្ជុំបិណ្ឌ ប្រកបដោយសុខសុវត្ថិភាពទាំងពេលទៅ និងពេលត្រឡប់មកវិញ។ សូមរីករាយពិធីបុណ្យភ្ជុំបិណ្ឌ!