实居省三隆穆尼杰县举办首届佛经诵读活动 为期5天

[来源: 柬埔寨国家电视台] [分类提示: NEWS] 标题: ឯកឧត្តម ឈួរ សុបញ្ញា : ព្រះត្រៃបិដក មិនត្រឹមតែជាគម្ពីរបុរាណសម្រាប់រក្សាទុកបេតិក ភណ្ឌ ប៉ុណ្ណោះទេ ប៉ុន្តែជាគន្លឹះសម្រាប់ការអប់រំ ថ្ងៃទី២០ ខែឧសភា ឆ្នាំ២០២៦ ឯកឧត្តម ឈួរ សុបញ្ញា បានអញ្ជើញចូលរួមពិធីបើកសូធ្យគម្ពីរព្រះត្រៃបិដកខ្មែរ លើកទី១ ស្រុកសាមគ្គីមុនីជ័យ ខេត្តកំពង់ស្ពឺ រៀបចំឡើងនៅ វត្តស្រះឃ្លាំង ឃុំពាំងល្វា ស្រុកសាមគ្គីមុនីជ័យ ខេត្តកំពង់ស្ពឺ រយៈពេល ៥ថ្ងៃ ចាប់ពីថ្ងៃទី២០-២៤ ខែឧសភា ឆ្នាំ២០២៦ ដឹកនាំដោយព្រះវរញ្ញាណាចារ្យ អ៊ុំ ផេង ព្រះរាជាគណៈថ្នាក់កិត្តិយស និងជាព្រះអនុគណស្រុកសាមគ្គីមុនីជ័យ ក្រោមអធិបតីភាពឯកឧត្តម អ៊ុក កោសា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អនុប្រធានក្រុមការងារចុះមូលដ្ឋានខេត្តកំពង់ស្ពឺ និងជាប្រធានក្រុមការងារចុះមូលដ្ឋានស្រុកសាមគ្គីមុនីជ័យ។ ការរៀបចំពិធីសូធ្យព្រះត្រៃបិដកពេលនេះមានគោលបំណងលើកកម្ពស់ព្រះពុទ្ធសាសនាឱ្យបានរីកចម្រើន និងគង់វង្សជានិរន្តរភាព ព្រោះថានៅពេលមានអ្នកសិក្សា និងសូធ្យជាបន្តបន្ទាប់ ព្រះធម៌នឹងត្រូវបានផ្សព្វផ្សាយយ៉ាងទូលំទូលាយ និងនៅរស់រវើកក្នុងសង្គម ដែលជាកត្តាសត្យានុម័តក្នុងការជួយបង្កើនសាមគ្គីភាព និងសន្តិភាព។ ព្រះធម៌បង្រៀនឲ្យមនុស្សស្គាល់ការគោរព ការអត់ឱន និងការរស់នៅជាមួយគ្នាដោយសុខដុមរមនា។ ព្រមជាមួយគ្នានេះការសូធ្យព្រះត្រៃបិដក គឺជាសកម្មភាពសាសនាដ៏មានតម្លៃខ្ពង់ខ្ពស់ មិនត្រឹមតែជាការសូត្រតាមអក្សរ ឬការអានអត្ថបទបុរាណប៉ុណ្ណោះទេ ប៉ុន្តែជាដំណើរការអប់រំផ្លូវចិត្ត និងបញ្ញា ដែលមានគោលបំណងជ្រាលជ្រៅក្នុងការកសាងមនុស្ស និងសង្គមឲ្យមានគុណធម៌ និងសន្តិភាព។ ព្រះត្រៃបិដក ជាគ្រឹះនៃព្រះពុទ្ធសាសនា ដែលផ្ទុកនូវព្រះធម៌ និងព្រះវិន័យ ជាផ្លូវនាំឲ្យមនុស្សឆ្លងកាត់ភាពមិនដឹង ទៅរកការយល់ដឹង និងពន្លឺប្រាជ្ញា។ព្រះត្រៃបិដកខ្មែរយើងទុកជាមូលដ្ឋាននៃវប្បធម៌ ក្នុងផ្នែកអក្សរសាស្ត្រមួយដ៏ប