加华银行FTB大厦新网点开业 引入ATM免下车服务

ដើម្បីឆ្លើយតបទៅនឹងតម្រូវការសេវាធនាគារកាន់តែសម្បូរបែប និងទំនើបនៅក្នុងប្រទេសកម្ពុជា ធនាគារពាណិជ្ជកម្មក្រៅប្រទេសនៃកម្ពុជា (FTB) បានបើកដំណើរការជាផ្លូវការនូវសាខាថ្មីរបស់ខ្លួន ដែលមានទីតាំងស្ថិតនៅក្នុងអគារ FTB Tower ចាប់ពីថ្ងៃនេះតទៅ។ សាខាថ្មីនៅអគារ FTB Tower ត្រូវបានរចនាឡើងយ៉ាងសម្រិតសម្រាំង ដើម្បីផ្តល់ជូននូវដំណោះស្រាយហិរញ្ញវត្ថុគ្រប់ជ្រុងជ្រោយ ជូនដល់អតិថិជនរូបវន្តបុគ្គល និងអតិថិជនសាជីវកម្ម-អាជីវកម្ម។ ជាមួយគ្នានេះដែរ សាខាថ្មីនេះក៏មានផ្តល់ជូននូវសេវាកម្មពិសេស VIP Banking ដែលផ្តោតលើភាពឯកជន ផាសុកភាព និងការផ្តល់ប្រឹក្សាយ៉ាងស៊ីជម្រៅពីអ្នកជំនាញហិរញ្ញវត្ថុផ្ទាល់ខ្លួនជូនដល់អតិថិជន។ បន្ថែមពីលើនេះ ដើម្បីឆ្លើយតបទៅនឹង ជីវិតសម័យទំនើប សាខា FTB Tower បានដាក់ឱ្យប្រើប្រាស់នូវសេវាកម្ម ATM Drive-Through ដែលអនុញ្ញាតឱ្យអតិថិជនអាចធ្វើប្រតិបត្តិការសាច់ប្រាក់បានយ៉ាងឆាប់រហ័ស និងមានសុវត្ថិភាពខ្ពស់ ដោយមិនបាច់ចុះពីរថយន្តឡើយ។