中国湖北遭遇强龙卷风袭击 致11死331伤受灾超万人

**«ខ្យល់ព្យុះកំបុតត្បូង»(Tornado) និងខ្យល់ព្យុះផ្គររន្ទះខ្លាំង កាលពីថ្ងៃ៦កក្កដា បានវាយប្រហារលើខេត្តហ៊ូប៉ី (Hubei) ភាគកណ្ដាលចិន។ ហេតុការណ៍នេះបានបណ្ដាលឱ្យមនុស្សយ៉ាងហោចណាស់ ១១នាក់បាត់បង់ជីវិត ម្នាក់បាត់ខ្លួន និង ៣៣១នាក់ផ្សេងទៀតរងរបួស និងជះឥទ្ធិពលលើពលរដ្ឋសរុបប្រហែល ១៤,៦០០នាក់។**   យោងតាមការចេញផ្សាយរបស់ទីភ្នាក់ងារសារព័ត៌មានស៊ិនហួ បាតុភូតខ្យល់កន្ត្រាក់ដ៏កម្រនេះមានល្បឿនបក់បោកខ្លាំងរហូតដល់កម្រិត Force 13 (ប្រហែល ៤០ម៉ែត្រក្នុងមួយវិនាទី) កើតឡើងពីការប៉ះទង្គិចគ្នារវាងម៉ាសខ្យល់ត្រជាក់រំកិលចុះមកពីភាគឦសានចិន និងលំហូរខ្យល់ក្ដៅសើមដែលនៅសេសសល់ពីឥទ្ធិពលព្យុះទីហ្វុងម៉ៃសាក់។   កម្លាំងខ្យល់ដ៏កំណាចនេះបានបោកបក់បំផ្លិចបំផ្លាញអគារ ផ្ទះសម្បែង បាក់រលំដើមឈើ និងបង្កការខូចខាតធ្ងន់ធ្ងរដល់សាកលវិទ្យាល័យ Huanggang Normal College បណ្ដាលឱ្យដាច់ចរន្តអគ្គិសនី និងមានមនុស្សរងរបួសដោយសារអំបែងកញ្ចក់ខ្ទាតមុត។ ភ្លាមៗក្រោយកើតហេតុ កម្លាំងសង្គ្រោះជិត ៣,០០០នាក់ ត្រូវបានចល័តបន្ទាន់ដើម្បីជួយជម្លៀសប្រជាពលរដ្ឋទៅកាន់ទីទួលសុវត្ថិភាព ខណៈអាជ្ញាធរឧតុនិយមកំពុងបន្តរក្សាការព្រមានអំពីអាកាសធាតុអាក្រក់ និងបន្តព្រមានអំពីអាកាសធាតុអាក្រក់ និងបន្តផ្ទៀងផ្ទាត់ទំហំនៃការខូចខាតបន្ថែម។