水利气象部严打非法采砂 违规作业将面临严厉处罚

លោករដ្ឋមន្ត្រី** **ថោ** **ជេដ្ឋា** **បានព្រមានថា ការធ្វើអាជីវកម្មខ្សាច់ហួសកម្រិតនៅតាមស្ទឹង ទន្លេ និងតំបន់ឆ្នេរ អាចបង្កឱ្យមានផលប៉ះពាល់ធ្ងន់ធ្ងរ ដូចជា ការបាក់ច្រាំង ការប្រែប្រួលចរន្តទឹក ការប្រែប្រួលរបបជលសាស្ត្រ និងការខូចខាតប្រព័ន្ធអេកូឡូស៊ី ដែលជាហានិភ័យដល់សេដ្ឋកិច្ច សង្គម និងបរិស្ថានជាតិ។ លោករដ្ឋមន្ត្រីបានគូសបញ្ជាក់ថា ការគ្រប់គ្រងធនធានខ្សាច់មានសារៈសំខាន់ខ្លាំងក្នុងការធានាឱ្យការធ្វើអាជីវកម្មខ្សាច់ពាក់ព័ន្ធនឹងធនធានទឹក ប្រព្រឹត្តទៅប្រកបដោយប្រសិទ្ធភាព និរន្តរភាព និងបរិយាបន្ន។ ទន្ទឹមនឹងនេះ ការគ្រប់គ្រងត្រឹមត្រូវក៏រួមចំណែកថែរក្សាគុណភាពទឹក ការពារមុខងារធម្មជាតិរបស់ស្ទឹង ទន្លេ និងតំបន់សមុទ្រ ព្រមទាំងអភិរក្សប្រព័ន្ធអេកូឡូស៊ី និងជម្រកសម្រាប់ជីវចម្រុះក្នុងទឹកផងដែរ។ ប្រសាសន៍លោក ថោ** **ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈកម្មាធិការគ្រប់គ្រងធនធានខ្សាច់ កាលពីថ្ងៃទី៧ ខែកក្កដា ឆ្នាំ២០២៦ ក្នុងកិច្ចប្រជុំលើកទី៤ របស់គណៈកម្មាធិការគ្រប់គ្រងធនធានខ្សាច់។