柬政府免除前线军警房产过户税 延长印花税优惠至2027年

**រាជរដ្ឋាភិបាល ប្រកាសលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ជូនយោធិន និងនគរបាលជាតិដែលចូលរួមបំពេញភារកិច្ចនៅសមរភូមិជួរមុខ។** ជាមួយគ្នានេះ ក្រសួងសេដ្ឋកិច្ច និងហិរញ្ញវត្ថុ ក៏បានប្រកាសដាក់ចេញនូវវិធានការលើកលែង និងអនុគ្រោះពន្ធលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ដើម្បីសម្រួលបន្ទុករបស់ប្រជាពលរដ្ឋ និងជំរុញការអនុវត្តកាតព្វកិច្ចពន្ធដារឱ្យកាន់តែមានប្រសិទ្ធភាព។ វិធានការសំខាន់ៗ រួមមាន ការព្យួរការអនុវត្តពន្ធបន្ថែមចំពោះការយឺតយ៉ាវក្នុងការបង់ពន្ធប្រថាប់ត្រារហូតដល់ដំណាច់ឆ្នាំ២០២៧ ការបន្តអនុញ្ញាតឱ្យបង់ពន្ធប្រថាប់ត្រាតែមួយដង សម្រាប់អចលនទ្រព្យដែលមានសាវតារផ្ទេរសិទ្ធិកាន់កាប់បន្តដៃគ្នាច្រើនដង និងការសម្រួលនីតិវិធីបង់ពន្ធប្រថាប់ត្រា និងពន្ធលើអចលនទ្រព្យលើសំណង់។